GROOTfm 90.5

SOUTH AFRICA | WEBSITE | FACEBOOK | TWITTER | Broadcast schedule
© GROOTfm 90.5 GROOTfm 90.5 is op ‘n missie om Suid-Afrika en sy mense te inspireer en te impakteer met “vermaak wat verskil maak” anders kan ons die lekker liedjies en grootste treffers van alle tye maar op ‘n CD in die kar luister en die nuus van die dag op die internet lees! Ons vier en geniet alles wat goed en reg is, maar aanvaar ook die verantwoordelikheid vir die dinge wat ons nog wil sien verander! Ons kleur die klankgolwe in met hoop en woorde van lewe, maar lééf ook GROOT in die klein en die onbenullige om ‘n blywende voetspoor in ons gemeenskap te laat.

Luister na ons op 90.5fm in Pretoria of op DStv oudiokanaal 820 of laai gerus ons app af om enige plek in die wêreld na ons te luister.

#VanaandMetPieterCloete

57 EPISODES |  Podcast, ±31 min episode every 6 days
Pieter se radioloopbaan het in 2010 by ’n klein gemeenskapsradiostasie begin. Hy het sy vlerke gesprei en in April 2016 die Knysnabos verruil vir Pretoria se stadsliggies. Met sy professionele, tog gemaklike stemtoon en persoonlikheid nooi Pieter jou elke weeksaand om saam met hom nuwe vrystellings, boekresensies en plaaslike musiek 5-in-n-ry te geniet. Luisteraars kry ook een keer ‘n week die geleentheid om hulle musiekkeuse en die stories daaragter te kom deel.

#SlatDiePad

113 EPISODES |  Podcast, ±13 min episode every 1 week
Ruben Delmage #SlatDiePad huis toe, weeksmiddae tussen 15:00 – 18:00. Ruben is 'n trotse Bloubul, gemaklik in sy vel en sien altyd kans om te lag oor ‘n “lame” grappie. Hy maak jou pad huis toe elke weeksmiddag lig en vrolik, met inspirasie en ‘n tikkie nostalgie. As jy nog nie ‘n vuur aangesteek het teen die tyd wat jy inskakel op Ruben Delmage se #SlatDiePad nie, gaan jy beslis teen die einde van sy program al ‘n vleisie braai... Da’ vat hy! Dit is onaanvaarbaar om nie in te skakel wanneer Ruben op die lug is nie!
Draai daai radio se knop en #TjoenIn!

Su-an en so aan

47 EPISODES |  Podcast, ±13 min episode every 3 weeks
Su-an is ewe tuis voor die mikrofoon, op die verhoog en voor die kamera. Sy het ‘n Honneursgraad in Afrikaans en Nederlands, kan 4 musiekinstrumente bespeel en kan 7 verskillende diere se geluide maak! Sy is ook gereeld te sien as aanbieder op Die GROOT Ontbyt en is die trotse anker van die immergewilde aktuele leke-kletsprogram #KomOnsPraatDaaroor weeksdae 11:00-12:00 in haar programgleuf. Su-an is 3 jaar agtereenvolgend bekroon met ‘n ATKV-mediaveertjie vir Beste aanbieder by ‘n gemeenskapradiostasie. Skakel weeksoggende tussen 09:00 – 12:00 in vir ‘n reguit, skerp, alternatiewe blik op die lewe… en so aan en Su-an.

#Riva

54 EPISODES |  Podcast, ±7 min episode every 2 weeks
Riva Schoeman, gesoute omroeper met meer as 20 jaar se ondervinding kuier in die middae saam met jou en maak daardie laaste werksure korter met lekker musiek en geselskap. Sy spreek verskeie tema’s aan insluitend inspirasie, skoonheid, vermaak, ligter nuus soos “Wat!!! Rerig?” “Vreemde feite van die dag” en sy laat jou toe om ‘n liedjie vir jou liefie te kies een keer ‘n week. Haar hart klop vir die gemeenskap en sy is beskermvrou vir CMR Noord.

12 channels