GROOTfm 90.5

SOUTH AFRICA | WEBSITE | FACEBOOK | TWITTER | Broadcast schedule
© GROOTfm 90.5 GROOTfm 90.5 is op ‘n missie om Suid-Afrika en sy mense te inspireer en te impakteer met “vermaak wat verskil maak” anders kan ons die lekker liedjies en grootste treffers van alle tye maar op ‘n CD in die kar luister en die nuus van die dag op die internet lees! Ons vier en geniet alles wat goed en reg is, maar aanvaar ook die verantwoordelikheid vir die dinge wat ons nog wil sien verander! Ons kleur die klankgolwe in met hoop en woorde van lewe, maar lééf ook GROOT in die klein en die onbenullige om ‘n blywende voetspoor in ons gemeenskap te laat.

Luister na ons op 90.5fm in Pretoria of op DStv oudiokanaal 820 of laai gerus ons app af om enige plek in die wêreld na ons te luister.

#JouMenseMyMense

167 EPISODES |  Podcast, ±8 min episode every 1 week
Die omvang van die nood laat mens soms oorweldig, verlam en selfs effens lomp voel. Net omdat ons nie alles vir almal kan wees en doen nie, beteken nie ons moet ons gewone menslike omgee verloor wat fokus op dit wat ons wel vir mekaar kan doen nie.

GROOTfm 90.5 en SPAR sê “Jou mense is my mense”!

Kuier elke Dinsdagoggend om 10:10 saam en hoor of Lindie Strydom ‘n ouma met ‘n cupcake verras, ‘n dogtertjie in die hospitaal besoek of vir die karwagte ‘n sakkie kruideniersware neem.

GROOTfm 90.5 se #JouMenseMyMense en sáám is ons beter, word met trots geborg deur SPAR.

#SlatDiePad

176 EPISODES |  Podcast, ±15 min episode every 1 week, 2 days
Ruben Delmage #SlatDiePad huis toe, weeksmiddae tussen 15:00 – 18:00. Ruben is 'n trotse Bloubul, gemaklik in sy vel en sien altyd kans om te lag oor ‘n “lame” grappie. Hy maak jou pad huis toe elke weeksmiddag lig en vrolik, met inspirasie en ‘n tikkie nostalgie. As jy nog nie ‘n vuur aangesteek het teen die tyd wat jy inskakel op Ruben Delmage se #SlatDiePad nie, gaan jy beslis teen die einde van sy program al ‘n vleisie braai... Da’ vat hy! Dit is onaanvaarbaar om nie in te skakel wanneer Ruben op die lug is nie!
Draai daai radio se knop en #TjoenIn!

#GROOTtrauma & Reg of Verkeerd met Pieter Cloete

227 EPISODES |  Podcast, ±31 min episode every 5 days
Pieter se radioloopbaan het in 2010 by ’n klein gemeenskapsradiostasie begin. Hy het sy vlerke gesprei en in April 2016 die Knysnabos verruil vir Pretoria se stadsliggies, waar hy weeksaande jou uitgenooi het om saam met hom te kuier op GROOTfm 90.5 vanaf 18:00 elke aand. Met sy professionele, tog gemaklike stemtoon en persoonlikheid, help hy jou vanaf Maandag, 30 Maart 2020 tussen 05:00 – 06:00 weeksoggende, om wakker te word en gereed te maak vir die dag wat voorlê.

Pieter hou jou op hoogte van wat op die paaie gebeur en deel ook relevante nuusgebeure wat deur die loop van die nag/vroegoggend plaasgevind het.

Om 05:35, deel hy daagliks inspirasie-insette deur verskeie persone soos Lindie Strydom, Elizabeth Theunissen, Jaco Strydom en Deon van der Berg.

In 2017 was Pieter ‘n finalis in die gemeenskapsradiokategorie ‘Best night time show’ by die Liberty Radio Awards en in 2018 ‘n finalis in die ATKV-mediaveertjie kategorie ‘Beste aanbieder by ‘n gemeenskapsradiostasie’. In 2019 Wen Pieter die RDMA-toekenning (Responsible Drinking Media Awards) vir die ‘verantwoordelike gebruik van alkohol’-inset, op die program GROOTtrauma (hy was ook ‘n finalis in die kategorie in 2018). Sy program, Reg of Verkeerd (Dinsdae-aande om 20:00) is ook in 2020 genomineer vir ‘n SA Radiotoekenning in die kategorie: News & Actuality program.

Su-an en so aan

116 EPISODES |  Podcast, ±11 min episode every 2 weeks
Su-an is ewe tuis voor die mikrofoon, op die verhoog en voor die kamera. Sy het ‘n Honneursgraad in Afrikaans en Nederlands, kan 4 musiekinstrumente bespeel en kan 7 verskillende diere se geluide maak! Sy is ook gereeld te sien as aanbieder op Die GROOT Ontbyt en is die trotse anker van die immergewilde aktuele leke-kletsprogram #KomOnsPraatDaaroor weeksdae 11:00-12:00 in haar programgleuf. Su-an is 3 jaar agtereenvolgend bekroon met ‘n ATKV-mediaveertjie vir Beste aanbieder by ‘n gemeenskapradiostasie. Skakel weeksoggende tussen 09:00 – 12:00 in vir ‘n reguit, skerp, alternatiewe blik op die lewe… en so aan en Su-an.

#jouGROOTvennoot

1 EPISODES |  Podcast
GROOTfm 90.5 het oor die afgelope 7 jaar ‘n onmisbare ver(skil)maaklikheidsvennoot in die Pretoria- en Suid-Afrikaanse gemeenskap geword. Leersame en insiggewende inligting en inhoud - ons werk intensioneel om ons land en sy mense nou en ook uiteindelik eendag beter te los as wat ons dit gekry het.
Die impak van ons gemeenskapsprojekte ter waarde van etlike miljoene elke jaar, strek van die korttermyn verligting van nood met die insameling van broodnodige lewensmiddele soos warm wintersklere, kos en skryfbehoeftes tot Bybels en beurse vir studente wat andersins nie die geleentheid sou kry om verder te studeer nie.
Ons dra ons trots Afrikaans- en Suid-Afrikaanse hart op ons mou met plaaslike musiek wat meer as 80% van ons speellys uitmaak.
Ons ondersteun plaaslike besighede met innoverende veldtogte wat spesiaal rondom elkeen van ons “vriende”, wat aanvanklik nog kliënte was, se behoeftes gebou word.

Hier is waar dinge nou taai raak…

Radio is ‘n gratis diens aan sy luisteraars. Adverteerders saam met ander inisiatiewe wat ons gewoonlik sou aanpak, is wat die platform dra. Maatskappye en organisasies met wie ons ‘n pad stap en vir wie ons luggolwe al soveel waarde tot hulle besighede kon toevoeg, kry self swaar. Ons toegewyde span van 42 personeel werk tans teen 25% van hulle salaris. Ons is weggewys by elke moontlike vorm van regeringshulp waarvoor ons aansoek gedoen het. Mediahuise en tydskrifte sluit en die laaste ding wat ons land kan bekostig, is dat ons vryheid-van-spraak platforms stil raak…

Waar ons gewoond is om te gee en uit te deel, moet ons nou ons gemeenskap vra om hierdie vennoot en sy rol in die gemeenskap te beskerm deur ‘n finansiële bydrae, wat ons in die volgende paar maande kan help om net anderkant die impak van die inperking uit te kom.

Ons glo in die krag van verhouding en die waarde van sinergie. Soos Aristoteles sê: “The Whole is Greater than the Sum of its Parts.” Mag jy saam met ons werk om hierdie platform te kan behou.

17 channels

« Back 1—12 More »