Maroela Media

SOUTH AFRICA | WEBSITE | FACEBOOK | TWITTER
Maroela Media is 'n gratis Afrikaanse nuus en leefstyl-webwerf. Ons radiodramas word onderleiding van Bettie Kemp opgeneem en ons verskaf ook radioprograminhoud aan gemeenskapsradiostasies regoor Suid-Afrika. Alle inhoud is in Afrikaans en ons bereik mense van alle ouderdomme regoor die wêreld.

Briekaandraai

100 EPISODES |  Series, ±8 min episode total time 14 hr 04 min
Wat gebeur wanneer ʼn gevestigde koerant op ʼn plattelandse dorpie skielik moet meeding met ʼn varser, jonger radiostasie wat elke keer die nuus eerste aan die gemeenskap bied? En as die koerantredakteur boonop ʼn stoere chauvinis is wat glad nie hou van die wedywering tussen sy plaaslike koerant en die radiostasie nie?

Dít is die opwindende en aktuele storielyn van Maroela Media se splinternuwe radiovervolgverhaal, Briekaandraai, geskryf deur Leon van Nierop en opgevoer deur Bettie Kemp.
AFRIKAANS Read by Bettie Kemp Drama

3 Minute, 3 Sake - Sakeliga

111 EPISODES |  Podcast, ±3 min episode every 1 week
In 3 Minute, 3 Sake gesels ons kortliks oor die week se sakenuus.

Sakeliga bestaan om ’n konstitusionele orde, vrye markte, voorspoed en ’n gunstige sake-omgewing in die belang van sy lede te beding en te skep, asook in die gemeenskaplike belang waar ook al sy lede sake doen.

Wiele2Wiele

112 EPISODES |  Podcast, ±24 min episode every 1 week
Die egpaar Carl en Jeanette Kritzinger bespreek weekliks in Wiele2Wiele die jongste motornuus, van bekendstellings en padtoetse tot algemene nuus en handige wenke. Nicol Louw, tegniese redakteur van die tydskrif CAR, gee ook sy kundige mening.

Kamer van verlate verhale

12 EPISODES |  Series, ±14 min episode total time 2 hr 51 min
Die kamer van verlate verhale bestaan uit 12 kort radiodramas, elkeen met verskillende karakters en 'n ander storielyn.

Luan Jacobs, die akteur bekend vir sy vertolking van rolle in onder meer die kykNET-reeks Fynskrif asook Ballade vir ʼn enkeling, Dominee Tienie en die radiodrama Briekaandraai, het tydens inperking in sy storie-argief gaan rondkrap en in die proses 12 radiostories voltooi.

Met die aanmoediging van vriende het hy besluit om dié stories te begin opneem. Met sy oop hart vir die Afrikaanse kunste het Maroela Media besluit om Jacobs te ondersteun en hom toegang gebied tot sy ateljee. Marius Vermaak, die ateljeebestuurder, het ingestem om die stories op te neem en te redigeer.

Jacobs het benewens ʼn klompie vryskutakteurs ook studente van die Performing Arts Lifestyle Institute (Pali) in Pretoria genader om rolle te vertolk. In ruil vir hul betrokkenheid by dié radioteaterprojek het Jacobs hulle die geleentheid vir opleiding en ervaring gebied. Maroela Media se eie Elana Barker is in twee van die episodes te hoor. Die kamer van verlate verhale bestaan uit 12 kort radiodramas.

Let wel: Maroela Media was glad nie betrokke by die storielyn en saamstel van die radioproduksie nie. Maroela Media het slegs ondersteuning gebied in terme van die gebruik van die ateljee en verspreiding van die drama.

Skrywer: Luan Jacobs
Redigering: Johan Riekert
Tegniese versorging: Marius Vermaak
Opgeneem by Maroela Media

12 channels