
ActionSA wil nie na DA se pype dans
Loading player...
ActionSA het die DA se volledige en finale koalisie-voorstel vir Johannesburg, Tshwane en Ekurhuleni verwerp. Die DA het 'n ooreenkoms van "voorsiening en steun" voorgestel, waarvolgens Nasiphi Moya van ActionSA aan die hoof van Tshwane sou staan, terwyl die DA beheer oor Johannesburg en Ekurhuleni sou neem. In 'n gesprek met die SABC het die hoofonderhandelaar, Michael Beaumont, die aanbod van die hand gewys. Dit volg terwyl Johannesburg geskeduleer is om môre sy raad saam te stel, en Tshwane Donderdag. Hy het beklemtoon dat die party nie 'n ondergeskikte rol teenoor die DA sal speel nie.

