
Zelenski sê Poetin is 'n moordenaar
Loading player...
Oekraïne se president, Wolodimir Zelenski, het die Russiese president, Wladimir Poetin, ’n moordenaar genoem nadat die Amerikaanse president, Donald Trump, na Poetin as sy vriend verwys het. Zelenski het in ’n onderhoud met CNN gesê Poetin is Oekraïne se vyand en dat vriendelike uitsprake oor hom internasionale druk op Rusland kan verswak. Trump het vroeër tydens samesprekings in China sy goeie verhouding met Poetin beklemtoon. Intussen het nuwe Russiese aanvalle op Oekraïne verskeie menselewens geëis en belangrike infrastruktuur beskadig. Zelenski sê Rusland se voortgesette aanvalle wys waarom internasionale druk op Moskou gehandhaaf moet word.

