Die Vryheidsfront Plus sê dit wil voorkom of President Cyril Ramaphosa in ’n staat van ontkenning verkeer oor die sukses van die regering se COVID-19-inentingsprogram. Dit kom na Ramaphosa gesê het hy is gelukkig met die vordering wat daarmee gemaak word, hoewel net 67-duisend gesondheidswerkers ingeënt is. Die party sê dit is reeds ’n mislukking aangesien die land teen die huidige tempo van die inentingsprogram nie kudde-immuniteit sal bereik nie.
Die VF Plus se Wouter Wessels sê Ramaphosa en die ANC-regering moet die hulp aanvaar wat die private sektor aanbied.

Die Suid-Afrikaanse Kabinet het die Grondhof-wetsontwerp goedgekeur om aan die Parlement voorgelê te word en die weg te baan dat die eerste hof van sy soort in Suid-Afrika ingestel word. Die minister van Justisie, Ronald Lamola, het tydens ‘n nuuskonferensie aangekondig dat die hof kwessies van onteiening en uitstaande grondeise sal hanteer. Lamola beskryf grondhervorming as ‘n sleutel tot ekonomiese regstelling:

Die Namibiese Ministerie van Finansies het die aanstelling bevestig van die sewe nuwe raadslede van die Sentrale Verkrygingsraad van Namibië. Die aanstellings tree amptelik op 1 Maart in werking en loop op 28 Februarie 2024 ten einde. Die lede is Julinda !Garu-Oas, 'n verkrygingsdeskundige, Amon Ngavetene, 'n Hoof Risiko en Nakomingsbeampte, Martin Kambulu, Hoof van Verkryging by Meatco, Ono-Robby Nangolo, 'n Regskenner by die Regshervorming en Ontwikkeling Kommissie en Efaishe Nghiidipaa, 'n Verkrygingsbestuurder by MTC. Hilya Nandago-Herman, wat 'n regs en ontwikkeling finansiële spesialis is en Epafras Shilongo, 'n inginieur is uit die vorige raad heraangestel. Die aanstellings vul die voltydse Voorsitter en Adjunk Voorsitter aan wat Patrick Swarts en Lischen Ramakutla is. Hulle termyn van vyf jaar loop in Maart 2022 ten einde. Tonateni Shidhudhu, Woordvoerder van die Ministerie van Finansies het met Kosmos 94.1 Nuus gepraat...

Namibië se kopiereg wetgewing is verouderd aangesien die land steeds gebruik maak van kopiereg en arbeidswette wat terugdateer na 1994. Bipa, die Besigheid en Intellektuele Eiendom Owerheid is gevolglik genoodsaak om die bestaande wetgewing op te dateer in samewerking met die betrokke belanghebbers. Bipa is reeds in gesprek met belanghebbers sedert 2019 oor die hersiening van die wetgewing maar sal nou begin met 'n roadshow na alle streke vir nog insette. Ainna Kaundu, Uitvoerende Bestuurder van Intellektuele Eiendom Registrasiedienste by Bipa...

NaMedia se jongste navorsing toon dat Namibië na ‘n kennis-gebaseerde ekonomie moet beweeg en daarom moet die standaard in plaaslike onderwys verskerp word. Dit sal toelaat dat lone verbeter en die besigheidsomgewing meer kompeterend is. Natasja Byleveld, Besturende Direkteur van NaMedia wat media monitering in die land doen, het dit so verwoord.

Dit is nie bekend of staatsamptenare ‘n verhoging die jaar sal kry nie. Die relevante vakbonde het onderhandel vir drie finansiële jare – vanaf 2018-2019 tot 2020-2021. Verlede jaar is geen verhoging aangekondig nie en vakbonde het dit so aanvaar, as gevolg van die Covid-pandemie. Maar, ekonomiese druk het toegeneem en begrotingsterkorte is ‘n realiteit en die staat se salarisstaat maak amper helfte van die begroting uit. Volgens die Eerste Minister, Dr Saara Kuugongelwa Amadhila is daar nog geen gesprek in die verband nie...