Farmers Meat Market - regeringsingryping is dringend nodig

Reaksie word ontvang op die beplande permanente sluiting van Farmers Meat Market se Mariental-slagpale, Namibië se enigste uitvoergoedgekeurde skaapabattoir. Die maatskappy sê ondanks heropening in November 2022 en groot beleggings om doeltreffendheid en markte te verbeter, het die fasiliteit opgehoopte verliese van 92 miljoen Namibiese dollar. Simonis Storm het onlangs die stilstand gekoppel aan die verlies van die Noorse uitvoerkwota en versadigde streeksmarkte. Ekonoom dr. Omu Kakujaha-Matundu sê aan Kosmos 94.1 Nuus dat regeringsingryping nodig is om dié strategies belangrike besigheid te red.