Woord vir Vandag - 8 Nov 2026
Loading player...
“Van Jakobus... Aan die twaalf stamme wat oor die wêreld versprei is. Groete!” Jakobus 1:1 AFR83
Jakobus se lesse (3)
Jakobus het vir die ‘die twaalf stamme wat oor die wêreld versprei is,’ daardie vroeë Christene wat uit Jerusalem gevlug het, geskryf. Na die marteldood van Stefanus in Handelinge hoofstuk sewe, het die Christene in Jerusalem onder toenemende vervolging van die Romeinse Ryk gely. Hulle het geweier om te bely dat die Romeinse keiser here is en daarop aangedring dat daar net een Here, die Here Jesus Christus, is. Die Bybel sê: ‘…Al die gelowiges, behalwe die apostels, het uitgewyk na die gebiede van Judea en Samaria’ (Handelinge 8:1 NLV). Jakobus het aan die gelowiges wat hul huise, hul werk, hul eiendomme - alles - moes verlaat, geskryf. Praat van stres! God het egter ‘n doel met hulle verspreiding en die gevolglike stres wat daarmee gepaard gaan, gehad. As hierdie gelowiges in Jerusalem gebly het, is die kanse goed dat die evangelie nie so volledig deur die wêreld versprei sou word nie. Hierdie vroeë volgelinge van Jesus wat so versprei is, het oral waar hulle gekom het die Goeie Nuus van Christus se verlossingswerk gedeel en in slegs een generasie het die evangelie deur die Romeinse Ryk versprei. Daarom het Jakobus aan die kerk ‘wat oor die wêreld versprei is,’ geskryf: ‘…wanneer julle in allerhande beproewings beland, moet julle eintlik baie bly wees’ (Jakobus 1:2 NLV). Hul ontworteling uit Jerusalem het tot die vestiging van die kerk regdeur die wêreld gelei. ‘…Maar ons God het die vloek in ‘n seën verander’ (Nehemia 13:2 NLV). By God kan pyn op die korttermyn tot wins op die langtermyn lei. Hy gebruik terugslae wat ons soms nie verstaan nie, om sy doelwitte te vervul. Is dit wat tans in jou lewe gebeur? Vertrou God; Hy weet wat Hy doen!
Jakobus se lesse (3)
Jakobus het vir die ‘die twaalf stamme wat oor die wêreld versprei is,’ daardie vroeë Christene wat uit Jerusalem gevlug het, geskryf. Na die marteldood van Stefanus in Handelinge hoofstuk sewe, het die Christene in Jerusalem onder toenemende vervolging van die Romeinse Ryk gely. Hulle het geweier om te bely dat die Romeinse keiser here is en daarop aangedring dat daar net een Here, die Here Jesus Christus, is. Die Bybel sê: ‘…Al die gelowiges, behalwe die apostels, het uitgewyk na die gebiede van Judea en Samaria’ (Handelinge 8:1 NLV). Jakobus het aan die gelowiges wat hul huise, hul werk, hul eiendomme - alles - moes verlaat, geskryf. Praat van stres! God het egter ‘n doel met hulle verspreiding en die gevolglike stres wat daarmee gepaard gaan, gehad. As hierdie gelowiges in Jerusalem gebly het, is die kanse goed dat die evangelie nie so volledig deur die wêreld versprei sou word nie. Hierdie vroeë volgelinge van Jesus wat so versprei is, het oral waar hulle gekom het die Goeie Nuus van Christus se verlossingswerk gedeel en in slegs een generasie het die evangelie deur die Romeinse Ryk versprei. Daarom het Jakobus aan die kerk ‘wat oor die wêreld versprei is,’ geskryf: ‘…wanneer julle in allerhande beproewings beland, moet julle eintlik baie bly wees’ (Jakobus 1:2 NLV). Hul ontworteling uit Jerusalem het tot die vestiging van die kerk regdeur die wêreld gelei. ‘…Maar ons God het die vloek in ‘n seën verander’ (Nehemia 13:2 NLV). By God kan pyn op die korttermyn tot wins op die langtermyn lei. Hy gebruik terugslae wat ons soms nie verstaan nie, om sy doelwitte te vervul. Is dit wat tans in jou lewe gebeur? Vertrou God; Hy weet wat Hy doen!
