Woord vir Vandag - 30 Okt 2026
Loading player...
“Moenie toelaat dat die slegte julle onderkry nie, maar deur goed te doen moet julle die slegte hokslaan.” Romeine 12:21 NLV
Jy kan daardie slegte gewoonte verbreek
Toe ons verhouding met Christus begin het, het ons ‘n lewenslange reis aangepak om die mens te word wat God ons geskep het om te wees. In die proses leer ons hoe om ons swakhede te oorkom en op God se krag te steun. Dit beteken dikwels om te leer hoe om slegte gewoontes te verbreek. Sommige van hierdie gewoontes is voor die hand liggend, soos alkohol- en dwelmmisbruik. Sommige is nie so voor die hand liggend nie, soos skinder, jaloesie en veroordeling. God wil nie hê dat ons deur ons emosies en impulse beheer word nie - Hy wil hê dat ons oorwinning moet behaal. Om ‘n slegte gewoonte te verbreek, vereis dat ons ‘n reeks goeie keuses maak, een na die ander. Die meeste van ons probeer dit op ons eie sonder die hulp van die Heilige Gees doen en misluk dan. Jesus het gesê: ‘en wanneer die Raadgewer, die Heilige Gees, kom wat die Vader in my Naam sal stuur, sal Hy julle in alle opsigte onderrig en julle ook herinner aan alles wat Ek vir julle gesê het’ (Johannes 14:26 NLV). Die Heilige Gees sal egter nie ongenooid opdaag nie; jy moet Hom vir sy hulp vra. Die Bybel sê dat ons die slegte deur die goeie oorwin. Dis een van die grootste geheime in God se Woord. Dis baie makliker om die regte keuse te maak wanneer jy op God en jou oorwinning, in plaas van jou vrees vir mislukking, gefokus is. Jesus het vir sy dissipels gesê: ‘Wees waaksaam en bid. Anders sal die versoeking vir julle te sterk word. ‘n Mens se gees is wel gewillig, maar jou liggaam hou nie altyd by nie’ (Matteus 26:41 NLV). Dit beteken dat wanneer jy bid en waaksaam is, jy daardie slegte gewoonte kan verbreek.
Jy kan daardie slegte gewoonte verbreek
Toe ons verhouding met Christus begin het, het ons ‘n lewenslange reis aangepak om die mens te word wat God ons geskep het om te wees. In die proses leer ons hoe om ons swakhede te oorkom en op God se krag te steun. Dit beteken dikwels om te leer hoe om slegte gewoontes te verbreek. Sommige van hierdie gewoontes is voor die hand liggend, soos alkohol- en dwelmmisbruik. Sommige is nie so voor die hand liggend nie, soos skinder, jaloesie en veroordeling. God wil nie hê dat ons deur ons emosies en impulse beheer word nie - Hy wil hê dat ons oorwinning moet behaal. Om ‘n slegte gewoonte te verbreek, vereis dat ons ‘n reeks goeie keuses maak, een na die ander. Die meeste van ons probeer dit op ons eie sonder die hulp van die Heilige Gees doen en misluk dan. Jesus het gesê: ‘en wanneer die Raadgewer, die Heilige Gees, kom wat die Vader in my Naam sal stuur, sal Hy julle in alle opsigte onderrig en julle ook herinner aan alles wat Ek vir julle gesê het’ (Johannes 14:26 NLV). Die Heilige Gees sal egter nie ongenooid opdaag nie; jy moet Hom vir sy hulp vra. Die Bybel sê dat ons die slegte deur die goeie oorwin. Dis een van die grootste geheime in God se Woord. Dis baie makliker om die regte keuse te maak wanneer jy op God en jou oorwinning, in plaas van jou vrees vir mislukking, gefokus is. Jesus het vir sy dissipels gesê: ‘Wees waaksaam en bid. Anders sal die versoeking vir julle te sterk word. ‘n Mens se gees is wel gewillig, maar jou liggaam hou nie altyd by nie’ (Matteus 26:41 NLV). Dit beteken dat wanneer jy bid en waaksaam is, jy daardie slegte gewoonte kan verbreek.
