Woord vir Vandag - 22 Des 2025
Loading player...
“want ons is God se handewerk. Hy het ons in ons verhouding met Christus Jesus só gemaak dat ons die goeie werke wat Hy vir ons bestem het, kan uitlewe.” Efesiërs 2:10 NLV
God is lief vir jou en waardeer jou
Sielkundiges sê dat ons selfwaarde gebaseer word op dit wat ons glo wat die belangrikste mense in ons lewe van ons dink. Vir kinders is dit heel waarskynlik hulle ouers. Vir volwassenes kan dit ‘n eggenoot, ‘n baas, ‘n vriend of ‘n mentor wees. Die probleem is dat mense ons teleurstel. Hulle kan dinge doen wat ons hartseer maak of pynig. Die sleutel om ‘n ware sin van selfwaarde te ken en te onderhou, is om jou hemelse Vader die belangrikste persoon in jou lewe te maak. Baseer jou selfwaarde op dit wat Hy van jou sê. Wanneer jy foute maak, kan mense jou kritiseer en jou deur skuldgevoelens oorweldig laat voel. God sê egter: ‘Ek het genade vir die foute wat jy maak. Staan op en probeer weer. Jou toekoms is blinker as jou verlede’ (sien verse 4-10). Die Bybel sê dat ons God se handewerk is. Dit beteken dat ons nie gemiddeld is nie. Ons is uniek. Ons is ‘n oorspronklike skepping. Ons is enig in ons soort. Dis hoe God jou sien. Dis hoe Hy wil hê jy jouself moet begin sien. Die Psalmdigter het dit as volg gestel: ‘U het my gesien voor ek gebore is. In u boek is alles opgeteken; elke dag is bepaal voordat een van hulle daar was. Kosbaar is u gedagtes vir my, o God! Hoe onmeetlik is die totaal! As ek dit sou moes tel, sou hulle meer wees as sandkorrels! Wanneer ek daarmee klaar is, sal U nog by my wees’ (Psalm 139:16-18 NLV).
God is lief vir jou en waardeer jou
Sielkundiges sê dat ons selfwaarde gebaseer word op dit wat ons glo wat die belangrikste mense in ons lewe van ons dink. Vir kinders is dit heel waarskynlik hulle ouers. Vir volwassenes kan dit ‘n eggenoot, ‘n baas, ‘n vriend of ‘n mentor wees. Die probleem is dat mense ons teleurstel. Hulle kan dinge doen wat ons hartseer maak of pynig. Die sleutel om ‘n ware sin van selfwaarde te ken en te onderhou, is om jou hemelse Vader die belangrikste persoon in jou lewe te maak. Baseer jou selfwaarde op dit wat Hy van jou sê. Wanneer jy foute maak, kan mense jou kritiseer en jou deur skuldgevoelens oorweldig laat voel. God sê egter: ‘Ek het genade vir die foute wat jy maak. Staan op en probeer weer. Jou toekoms is blinker as jou verlede’ (sien verse 4-10). Die Bybel sê dat ons God se handewerk is. Dit beteken dat ons nie gemiddeld is nie. Ons is uniek. Ons is ‘n oorspronklike skepping. Ons is enig in ons soort. Dis hoe God jou sien. Dis hoe Hy wil hê jy jouself moet begin sien. Die Psalmdigter het dit as volg gestel: ‘U het my gesien voor ek gebore is. In u boek is alles opgeteken; elke dag is bepaal voordat een van hulle daar was. Kosbaar is u gedagtes vir my, o God! Hoe onmeetlik is die totaal! As ek dit sou moes tel, sou hulle meer wees as sandkorrels! Wanneer ek daarmee klaar is, sal U nog by my wees’ (Psalm 139:16-18 NLV).
