Woord vir Vandag - 20 Des 2025
Loading player...
“Want Hy sal sy engele beveel om jou op al jou weë te beskerm.” Psalm 91:11 NLV
Engele waak oor jou
‘n Universiteitsprofessor het een keer ‘n groep studente na China vergesel. ‘n Paar dae na die aanvang van die reis het die professor ondenkbare maagpyn begin ervaar en is per ambulans na ‘n plaaslike kliniek gehaas. Dit was ‘n klein dorpie en die mediese personeellid in beheer van die kliniek het besef dat die professor se blindederm gebars het. Gif het deur sy hele liggaam versprei, maar aangesien daar geen chirurg by die kliniek was nie, was daar nie veel wat hulle vir hom kon doen nie. Die professor het stuiptrekkings begin kry en sy bewussyn begin verloor. Terug by die huis in Amerika het die professor se pa, ‘n pastoor, tydens ‘n kerkdiens ‘n buitengewone besorgdheid oor sy seun begin voel. Hy het vir die gemeente gesê: ‘Ons moet gou stop en vir my seun bid. Iets is verkeerd.’ Dit was twee-uur die oggend in China toe een van die bekendste chirurge in die land die kliniek skielik binnestap - die einste chirurg wat saam met die Amerikaanse president reis wanneer hy China besoek. Die personeel was verbaas om hom te sien. ‘Ek is hier om na die Amerikaner om te sien,’ het die chirurg gesê. Hy het die operasie op die professor uitgevoer en sy lewe gered. Die volgende dag het die chirurg vir die professor gevra: ‘Wie is daardie twee mans wat jy gister na my kantoor gestuur het?’ Die professor het geantwoord: ‘Ek het niemand na jou gestuur nie. Ek ken niemand hier in China nie.’ Die chirurg het gesê: ‘Dis vreemd, want hulle het gesê jy is ‘n baie belangrike persoon en dat ek hiernatoe moet kom om jou te opereer.’ God se Woord sê: ‘Want Hy sal sy engele beveel om jou op al jou weë te beskerm.’
Engele waak oor jou
‘n Universiteitsprofessor het een keer ‘n groep studente na China vergesel. ‘n Paar dae na die aanvang van die reis het die professor ondenkbare maagpyn begin ervaar en is per ambulans na ‘n plaaslike kliniek gehaas. Dit was ‘n klein dorpie en die mediese personeellid in beheer van die kliniek het besef dat die professor se blindederm gebars het. Gif het deur sy hele liggaam versprei, maar aangesien daar geen chirurg by die kliniek was nie, was daar nie veel wat hulle vir hom kon doen nie. Die professor het stuiptrekkings begin kry en sy bewussyn begin verloor. Terug by die huis in Amerika het die professor se pa, ‘n pastoor, tydens ‘n kerkdiens ‘n buitengewone besorgdheid oor sy seun begin voel. Hy het vir die gemeente gesê: ‘Ons moet gou stop en vir my seun bid. Iets is verkeerd.’ Dit was twee-uur die oggend in China toe een van die bekendste chirurge in die land die kliniek skielik binnestap - die einste chirurg wat saam met die Amerikaanse president reis wanneer hy China besoek. Die personeel was verbaas om hom te sien. ‘Ek is hier om na die Amerikaner om te sien,’ het die chirurg gesê. Hy het die operasie op die professor uitgevoer en sy lewe gered. Die volgende dag het die chirurg vir die professor gevra: ‘Wie is daardie twee mans wat jy gister na my kantoor gestuur het?’ Die professor het geantwoord: ‘Ek het niemand na jou gestuur nie. Ek ken niemand hier in China nie.’ Die chirurg het gesê: ‘Dis vreemd, want hulle het gesê jy is ‘n baie belangrike persoon en dat ek hiernatoe moet kom om jou te opereer.’ God se Woord sê: ‘Want Hy sal sy engele beveel om jou op al jou weë te beskerm.’
