Woord vir Vandag - 22 Nov 2025
Loading player...
“…Net soos die Vader My gestuur het, stuur Ek julle ook.” Johannes 20:21 NLV
God wil deur jou werk (2)
Jesus het gesê: ‘…Ek verseker julle, die Seun kan niks uit sy eie doen nie. Hy doen slegs wat Hy die Vader sien doen. Wat die Vader ook al doen, dit doen die Seun net so. Die Vader het die Seun lief en wys Hom alles wat Hy self doen…’ (Johannes 5:19-20 NLV). Die eise wat aan Jesus gestel is, was eindeloos. Siekes wou sy hulp hê. Die Fariseërs wou Hom by teologiese argumente betrek. Sy dissipels wou hê dat Hy na sekere plekke en nie na ander plekke toe gaan nie. Elke tree wat Jesus egter geneem het, elke daad wat Hy gedoen het en elke vraag wat Hy beantwoord het, was egter in reaksie op die leiding van sy hemelse Vader. Dis hoekom Hy nie uitgebrand geraak het nie. Dis waarom Hy op die vooraand van sy kruisiging kon sê: ‘Ek het U op aarde verheerlik deur die werk te voltooi wat U My gegee het om te doen’ (Johannes 17:4 NLV). Nou verstaan jy hoekom Jesus dikwels deurnag gebid en vroeg opgestaan het om te bid terwyl sy dissipels nog geslaap het. Hy het net een doelwit gehad: om te doen wat God wou hê Hy daardie dag moet doen. Is dit maklik om te doen? Nee. Mense sal druk op jou uitoefen en onvervulde behoeftes sal jou skuldig laat voel, tensy jy absolute duidelikheid het oor dit wat God wil hê jy moet doen. Hierdie wete verg intimiteit, afhanklikheid, sensitiwiteit en gehoorsaamheid aan God. Om so te lewe, bring egter ‘n vlak van vreugde en vervulling mee wat nêrens anders gevind kan word nie. Dit is die lewe wat jy geroep is om te leef, want Jesus het gesê: ‘…Net soos die Vader My gestuur het, stuur Ek julle ook’ (Johannes 20:21 NLV).
God wil deur jou werk (2)
Jesus het gesê: ‘…Ek verseker julle, die Seun kan niks uit sy eie doen nie. Hy doen slegs wat Hy die Vader sien doen. Wat die Vader ook al doen, dit doen die Seun net so. Die Vader het die Seun lief en wys Hom alles wat Hy self doen…’ (Johannes 5:19-20 NLV). Die eise wat aan Jesus gestel is, was eindeloos. Siekes wou sy hulp hê. Die Fariseërs wou Hom by teologiese argumente betrek. Sy dissipels wou hê dat Hy na sekere plekke en nie na ander plekke toe gaan nie. Elke tree wat Jesus egter geneem het, elke daad wat Hy gedoen het en elke vraag wat Hy beantwoord het, was egter in reaksie op die leiding van sy hemelse Vader. Dis hoekom Hy nie uitgebrand geraak het nie. Dis waarom Hy op die vooraand van sy kruisiging kon sê: ‘Ek het U op aarde verheerlik deur die werk te voltooi wat U My gegee het om te doen’ (Johannes 17:4 NLV). Nou verstaan jy hoekom Jesus dikwels deurnag gebid en vroeg opgestaan het om te bid terwyl sy dissipels nog geslaap het. Hy het net een doelwit gehad: om te doen wat God wou hê Hy daardie dag moet doen. Is dit maklik om te doen? Nee. Mense sal druk op jou uitoefen en onvervulde behoeftes sal jou skuldig laat voel, tensy jy absolute duidelikheid het oor dit wat God wil hê jy moet doen. Hierdie wete verg intimiteit, afhanklikheid, sensitiwiteit en gehoorsaamheid aan God. Om so te lewe, bring egter ‘n vlak van vreugde en vervulling mee wat nêrens anders gevind kan word nie. Dit is die lewe wat jy geroep is om te leef, want Jesus het gesê: ‘…Net soos die Vader My gestuur het, stuur Ek julle ook’ (Johannes 20:21 NLV).
