Woord vir Vandag - 21 Nov 2025
Loading player...
“Die Here het gesê: ‘Wie sal vir Agab oortuig om teen Ramot-Gilead oorlog te maak…?’” 1 Konings 22:20 NLV
God wil deur jou werk (1)
Hier is ‘n wonderbaarlike verhaal oor die manier waarop God te werk gaan. ‘…Ek het die Here gesien waar Hy op sy troon sit met die hemelse leërmag weerskante van Hom. Die Here het gesê: ‘Wie sal vir Agab oortuig om teen Ramot-Gilead oorlog te maak sodat hy daar kan omkom?’ Daar was verskillende voorstelle. Uiteindelik het die gees voor die Here gaan staan en gesê: ‘Ek sal dit doen!’ ‘Hoe sal jy dit doen?’ vra die Here vir hom. Die gees het geantwoord: ‘Ek sal gaan en al Agab se profete oortuig om leuens te vertel.’ ‘Jy sal slaag,’ sê die Here. ‘Gaan voort en doen dit’’ (verse 19-22 NLV). Sien jy wat in die hemel gebeur? God wil Israel van hul bose koning red, maar Hy is oop vir idees. Wanneer die gees (of engel) voorstel om die koning deur sy raadgewers te mislei, keur God dit nie net goed nie, maar beloof ook dat Hy sukses sal behaal. Op aarde waarsku die profeet Miga vir Agab dat sy raadgewers om die bos gelei is. Die koning kies egter om in elk geval na hulle te luister. Hy marsjeer met vrymoedigheid noord om te gaan oorlog maak, maar sterf in die geveg. Hierdie verhaal wys vir jou ‘n duidelike verband tussen gebeure in die hemel en gelyktydige gebeure op aarde. Ja, God kan soewerein sonder ons hulp optree. Hy kies egter ook om deur mense soos ons te werk. Hy het ‘n doenlys wat ‘sy wil’ genoem word. Hy soek mense wat voorbereid, in staat, gereed en gewillig is om dit te doen. Wat moet jou reaksie wees? Om te bid: ‘Here, wat U ook al vandag gedoen wil hê, gebruik my om dit te doen!’
God wil deur jou werk (1)
Hier is ‘n wonderbaarlike verhaal oor die manier waarop God te werk gaan. ‘…Ek het die Here gesien waar Hy op sy troon sit met die hemelse leërmag weerskante van Hom. Die Here het gesê: ‘Wie sal vir Agab oortuig om teen Ramot-Gilead oorlog te maak sodat hy daar kan omkom?’ Daar was verskillende voorstelle. Uiteindelik het die gees voor die Here gaan staan en gesê: ‘Ek sal dit doen!’ ‘Hoe sal jy dit doen?’ vra die Here vir hom. Die gees het geantwoord: ‘Ek sal gaan en al Agab se profete oortuig om leuens te vertel.’ ‘Jy sal slaag,’ sê die Here. ‘Gaan voort en doen dit’’ (verse 19-22 NLV). Sien jy wat in die hemel gebeur? God wil Israel van hul bose koning red, maar Hy is oop vir idees. Wanneer die gees (of engel) voorstel om die koning deur sy raadgewers te mislei, keur God dit nie net goed nie, maar beloof ook dat Hy sukses sal behaal. Op aarde waarsku die profeet Miga vir Agab dat sy raadgewers om die bos gelei is. Die koning kies egter om in elk geval na hulle te luister. Hy marsjeer met vrymoedigheid noord om te gaan oorlog maak, maar sterf in die geveg. Hierdie verhaal wys vir jou ‘n duidelike verband tussen gebeure in die hemel en gelyktydige gebeure op aarde. Ja, God kan soewerein sonder ons hulp optree. Hy kies egter ook om deur mense soos ons te werk. Hy het ‘n doenlys wat ‘sy wil’ genoem word. Hy soek mense wat voorbereid, in staat, gereed en gewillig is om dit te doen. Wat moet jou reaksie wees? Om te bid: ‘Here, wat U ook al vandag gedoen wil hê, gebruik my om dit te doen!’
