Woord vir Vandag - 19 Nov 2025
Loading player...
“’n Vrolike mens is soos goeie medisyne…” Spreuke 17:22 NLV
Lag meer gereeld
Salomo het geskryf: ‘Ek het daarom besluit dat wat die mens eintlik nodig het, vreugde is. Niks is beter as om te eet en te drink en die lewe te geniet nie. Dít kan die mens help om die sinloosheid te verwerk van hierdie lewe wat God ons gegee het’ (Prediker 8:15 DB). As jy wys is, sal jy hierdie woorde ter harte neem. Die impak van lag is goed gedokumenteer. Studies wys dat dit bloeddruk verlaag en hipertensie verminder. Dit verlaag streshormone en maak die longe en liggaamsweefsels van gestoorde, verouderde lug skoon. Dit verhoog immuunfunksies in die liggaam. Bo en behalwe al hierdie voordele, stel lag endorfiene vry - daardie ‘goedvoel’-chemikalieë in die brein wat jou gelukkig laat voel. Dis hoekom die Bybel sê: ‘’n Vrolike mens is soos goeie medisyne…’ Maak dus gebruik van elke geleentheid om lekker te lag. Lag vir jou foute - veral by die werk. Laat vaar die supervrou- of superman-beeld en begin pret hê. Dit beteken nie dat jy jou standaarde van uitnemendheid verslap nie; dit dui net aan dat jy bewus is van die feit dat jy en diegene rondom jou menslik is. Geniet dit dus; wees gereed vir ‘n grappie of twee. Moenie toelaat dat die lewe se druk en negatiewe omstandighede jou sin vir humor uitwis nie. ‘n Gelag weerspieël positiewe emosies en maak dit vir ander mense aangenaam om rondom jou te wees. Niemand geniet ‘n suurknol nie; lag kan ook jou gedagtes van dit wat vir jou stres veroorsaak, aftrek. Lag dus gereeld en onthou: ‘…die blydskap wat die Here gee, sal julle krag wees!’ (Nehemia 8:10 NLV).
Lag meer gereeld
Salomo het geskryf: ‘Ek het daarom besluit dat wat die mens eintlik nodig het, vreugde is. Niks is beter as om te eet en te drink en die lewe te geniet nie. Dít kan die mens help om die sinloosheid te verwerk van hierdie lewe wat God ons gegee het’ (Prediker 8:15 DB). As jy wys is, sal jy hierdie woorde ter harte neem. Die impak van lag is goed gedokumenteer. Studies wys dat dit bloeddruk verlaag en hipertensie verminder. Dit verlaag streshormone en maak die longe en liggaamsweefsels van gestoorde, verouderde lug skoon. Dit verhoog immuunfunksies in die liggaam. Bo en behalwe al hierdie voordele, stel lag endorfiene vry - daardie ‘goedvoel’-chemikalieë in die brein wat jou gelukkig laat voel. Dis hoekom die Bybel sê: ‘’n Vrolike mens is soos goeie medisyne…’ Maak dus gebruik van elke geleentheid om lekker te lag. Lag vir jou foute - veral by die werk. Laat vaar die supervrou- of superman-beeld en begin pret hê. Dit beteken nie dat jy jou standaarde van uitnemendheid verslap nie; dit dui net aan dat jy bewus is van die feit dat jy en diegene rondom jou menslik is. Geniet dit dus; wees gereed vir ‘n grappie of twee. Moenie toelaat dat die lewe se druk en negatiewe omstandighede jou sin vir humor uitwis nie. ‘n Gelag weerspieël positiewe emosies en maak dit vir ander mense aangenaam om rondom jou te wees. Niemand geniet ‘n suurknol nie; lag kan ook jou gedagtes van dit wat vir jou stres veroorsaak, aftrek. Lag dus gereeld en onthou: ‘…die blydskap wat die Here gee, sal julle krag wees!’ (Nehemia 8:10 NLV).
