Woord vir Vandag - 14 Sep 2025
Loading player...
“…Laat julle leefstyl eerder deur die Gees bepaal word. Dan sal julle glad nie aan die begeertes van julle sondige geaardheid toegee nie.” Galasiërs 5:16 NLV
Die Bybel help ons om versoeking te oorkom (4)
Wellus is vir ons so natuurlik soos asemhaal. Ons vleeslike aard wil altyd sy selfsugtige begeertes vervul. Dit kry nooit genoeg nie en wil altyd meer hê. Aan die ander kant, smag ons nuwe natuur na dit wat die Heilige Gees, wat in ons verloste gees leef, bevredig. Ons is meer vertroud met die aantrekkingskrag van die vlees omdat ons dit al ons hele lewe lank ondervind. Ons verstaan die dringendheid, die aantrekkingskrag en die beheer daarvan. Wanneer ons egter tyd en energie in wat die Heilige Gees behaag belê, ervaar ons die vervulling en krag wat die Gees alleenlik kan meebring. Paulus sê vir ons: ‘…Laat julle leefstyl eerder deur die Gees bepaal word. Dan sal julle glad nie aan die begeertes van julle sondige geaardheid toegee nie,’ en ‘Ek is dankbaar teenoor God wat ons, omdat ons één is met Christus, altyd saamneem in sy triomftog. Deur ons versprei Hy die aangename geur van sy kennis op elke plek’ (2 Korintiërs 2:14 NLV). Daar is ‘n manier om bo die swaartekrag van die vlees te leef, ‘n manier wat die konstante siklus van nederlaag/bekering/nederlaag verhoed. Ja, God is ‘n God van vergifnis en herstel wat die opregte belydenisse uit die harte van sy volk aanvaar en al ons oortredings vergewe (Sien 1 Johannes 1:9). ‘Oorvloedige lewe’ beteken egter om in vreugde en oorwinning te leef. Wanneer jy in die vlees lewe, leef jy in ooreenstemming met die bevele van jou menslike natuur. Wanneer jy egter in die Gees lewe, lewe jy in ooreenstemming met die leiding van die Heilige Gees, soos dit in God se Woord uiteengesit word. Gevolglik sal jy ‘…glad nie aan die begeertes van [jou] sondige geaardheid toegee nie.’
Die Bybel help ons om versoeking te oorkom (4)
Wellus is vir ons so natuurlik soos asemhaal. Ons vleeslike aard wil altyd sy selfsugtige begeertes vervul. Dit kry nooit genoeg nie en wil altyd meer hê. Aan die ander kant, smag ons nuwe natuur na dit wat die Heilige Gees, wat in ons verloste gees leef, bevredig. Ons is meer vertroud met die aantrekkingskrag van die vlees omdat ons dit al ons hele lewe lank ondervind. Ons verstaan die dringendheid, die aantrekkingskrag en die beheer daarvan. Wanneer ons egter tyd en energie in wat die Heilige Gees behaag belê, ervaar ons die vervulling en krag wat die Gees alleenlik kan meebring. Paulus sê vir ons: ‘…Laat julle leefstyl eerder deur die Gees bepaal word. Dan sal julle glad nie aan die begeertes van julle sondige geaardheid toegee nie,’ en ‘Ek is dankbaar teenoor God wat ons, omdat ons één is met Christus, altyd saamneem in sy triomftog. Deur ons versprei Hy die aangename geur van sy kennis op elke plek’ (2 Korintiërs 2:14 NLV). Daar is ‘n manier om bo die swaartekrag van die vlees te leef, ‘n manier wat die konstante siklus van nederlaag/bekering/nederlaag verhoed. Ja, God is ‘n God van vergifnis en herstel wat die opregte belydenisse uit die harte van sy volk aanvaar en al ons oortredings vergewe (Sien 1 Johannes 1:9). ‘Oorvloedige lewe’ beteken egter om in vreugde en oorwinning te leef. Wanneer jy in die vlees lewe, leef jy in ooreenstemming met die bevele van jou menslike natuur. Wanneer jy egter in die Gees lewe, lewe jy in ooreenstemming met die leiding van die Heilige Gees, soos dit in God se Woord uiteengesit word. Gevolglik sal jy ‘…glad nie aan die begeertes van [jou] sondige geaardheid toegee nie.’
