Woord vir Vandag - 12 Sep 2025
Loading player...
“U woord is ‘n lamp vir my voete en ‘n lig op my pad.” Psalm 119:105 NLV
Die Bybel help ons om versoeking te oorkom (2)
Die patriarg Job het gesê: ‘Ek het my plegtig verbind om nie na ‘n meisie te kyk en haar te begeer nie. (Job 31:1 AFR83). Job kon, net soos ons, nie sy omgewing en versoekings beheer nie. Tog kan ons ‘n waardevolle les uit Job se woorde leer. ‘n Verbond is ‘n belofte wat in goeder trou gemaak word met die doel om dit na te kom. Dit is ‘n geloofstap waaraan jy jou verbind voordat jy weet watter omstandighede jy sal teëkom, soortgelyk aan ‘n huweliksverbond. Die Bybel sê vir ons: ‘…die regverdige sal uit die geloof lewe’ (Romeine 1:17 AFR53). Ons selfsugtige natuur stry teen die nakoming van God se gebooie; daarom gee die Heilige Gees wat in ons woon ons alles wat nodig is om sukses te behaal. As jy wag totdat jy sterk genoeg voel om jou verbond met God te eerbiedig, sal dit nooit gebeur nie. As jy dit egter deur geloof maak, deur jou eie swakheid te erken, sal die Heilige Gees die krag verskaf wat jy nodig het om dit na te kom! Sy verbond, wat in geloof gemaak is, het Job in staat gestel om te sê: ‘Ek het myself belowe dat ek nooit na ‘n jong meisie sal kyk om haar te begeer nie’ (Job 31:1 NLV). Is dit dan nie beter om eerder nie ‘n verbond te sluit nie, as om een te maak en dit te verbreek nie? Nee, omdat al ons mislukkings deur Christus se bloed bedek word. ‘As ons egter ons sondes bely, Hy is betroubaar en regverdig om ons sondes te vergewe en ons skoon te maak van elke verkeerde optrede’ (1 Johannes 1:9 NLV). Bekering bring vergifnis en ‘n nuwe begin mee!
Die Bybel help ons om versoeking te oorkom (2)
Die patriarg Job het gesê: ‘Ek het my plegtig verbind om nie na ‘n meisie te kyk en haar te begeer nie. (Job 31:1 AFR83). Job kon, net soos ons, nie sy omgewing en versoekings beheer nie. Tog kan ons ‘n waardevolle les uit Job se woorde leer. ‘n Verbond is ‘n belofte wat in goeder trou gemaak word met die doel om dit na te kom. Dit is ‘n geloofstap waaraan jy jou verbind voordat jy weet watter omstandighede jy sal teëkom, soortgelyk aan ‘n huweliksverbond. Die Bybel sê vir ons: ‘…die regverdige sal uit die geloof lewe’ (Romeine 1:17 AFR53). Ons selfsugtige natuur stry teen die nakoming van God se gebooie; daarom gee die Heilige Gees wat in ons woon ons alles wat nodig is om sukses te behaal. As jy wag totdat jy sterk genoeg voel om jou verbond met God te eerbiedig, sal dit nooit gebeur nie. As jy dit egter deur geloof maak, deur jou eie swakheid te erken, sal die Heilige Gees die krag verskaf wat jy nodig het om dit na te kom! Sy verbond, wat in geloof gemaak is, het Job in staat gestel om te sê: ‘Ek het myself belowe dat ek nooit na ‘n jong meisie sal kyk om haar te begeer nie’ (Job 31:1 NLV). Is dit dan nie beter om eerder nie ‘n verbond te sluit nie, as om een te maak en dit te verbreek nie? Nee, omdat al ons mislukkings deur Christus se bloed bedek word. ‘As ons egter ons sondes bely, Hy is betroubaar en regverdig om ons sondes te vergewe en ons skoon te maak van elke verkeerde optrede’ (1 Johannes 1:9 NLV). Bekering bring vergifnis en ‘n nuwe begin mee!
