Woord vir Vandag - 5 Sep 2025
Loading player...
“…as ons gewete ons nie veroordeel nie, het ons vrymoedigheid om na God toe te gaan.” 1 Johannes 3:21 NLV
Doen altyd wat reg is
Wanneer jy wetend iets verkeerds doen, ervaar jy angs, stres en onsekerheid. ‘’Vir bose mense,’ sê die Here, ‘is daar geen vrede nie’’ (Jesaja 48:22 NLV). Wanneer jy ‘n plan van aksie kies wat onversoenbaar is met dit wat jy glo reg is, gee jy jou vrede prys. ‘n Persoon kan byvoorbeeld ‘n werk of plig aanvaar wat hulle dwing om iets teen hul geestelike oortuigings te doen, iets wat hul gewete skend. Talle mense was al in die situase waar hulle waardes gekompromitteer word, sodat hulle bevordering kan kry of ander voordele kan behaal. Vir hulle het dit destyds na hul enigste opsie gelyk. ‘Dit kan lyk of ‘n mens reg lewe. Agterna gesien is dit die pad van die dood’ (Spreuke 16:25 NLV). Dis wanneer ‘n sterk geestelike fondament nodig is. Dit verg geloof en moed om jou oortuigings toe te laat om jou gedrag en jou keuses te rig. Die waarheid is dat God op die ou einde vir jou bevordering verantwoordelik is. Sy Woord sê: ‘Want uit die ooste of weste of selfs uit die woestyn, kom daar geen verheffing nie. Maar God is die regter wat verneder of verhef’ (Psalm 75:7-8 NLV). Moenie dink dat jy uit jou eie krag reg kan optree nie. Soms is die versoeking om te manipuleer of te jok sodat jy jou loopbaan kan bevorder, net te veel om te weerstaan. Dis dan wanneer jy God se krag nodig het. Dawid het gesê: ‘…Die Here is my lewenstoevlug. Vir wie sal ek dan bang wees?’ (Psalm 27:1 NLV). Bid die volgende: ‘Vader, bewaar my asseblief dat ek nie in versoeking kom nie en verlos my van die Bose. Help my om te doen wat reg is.’
Doen altyd wat reg is
Wanneer jy wetend iets verkeerds doen, ervaar jy angs, stres en onsekerheid. ‘’Vir bose mense,’ sê die Here, ‘is daar geen vrede nie’’ (Jesaja 48:22 NLV). Wanneer jy ‘n plan van aksie kies wat onversoenbaar is met dit wat jy glo reg is, gee jy jou vrede prys. ‘n Persoon kan byvoorbeeld ‘n werk of plig aanvaar wat hulle dwing om iets teen hul geestelike oortuigings te doen, iets wat hul gewete skend. Talle mense was al in die situase waar hulle waardes gekompromitteer word, sodat hulle bevordering kan kry of ander voordele kan behaal. Vir hulle het dit destyds na hul enigste opsie gelyk. ‘Dit kan lyk of ‘n mens reg lewe. Agterna gesien is dit die pad van die dood’ (Spreuke 16:25 NLV). Dis wanneer ‘n sterk geestelike fondament nodig is. Dit verg geloof en moed om jou oortuigings toe te laat om jou gedrag en jou keuses te rig. Die waarheid is dat God op die ou einde vir jou bevordering verantwoordelik is. Sy Woord sê: ‘Want uit die ooste of weste of selfs uit die woestyn, kom daar geen verheffing nie. Maar God is die regter wat verneder of verhef’ (Psalm 75:7-8 NLV). Moenie dink dat jy uit jou eie krag reg kan optree nie. Soms is die versoeking om te manipuleer of te jok sodat jy jou loopbaan kan bevorder, net te veel om te weerstaan. Dis dan wanneer jy God se krag nodig het. Dawid het gesê: ‘…Die Here is my lewenstoevlug. Vir wie sal ek dan bang wees?’ (Psalm 27:1 NLV). Bid die volgende: ‘Vader, bewaar my asseblief dat ek nie in versoeking kom nie en verlos my van die Bose. Help my om te doen wat reg is.’
