Woord vir Vandag - 6 Mei 2025
Loading player...
“…Sy is ‘n staatmaker wat al baie gelowiges ondersteun het – ook vir my.” Romeine 16:2 NLV
Verbintenis. Toewyding. Kommunikasie.
Wanneer dit by die lewe se groot presteerders kom, is die apostel Paulus in sy eie liga. Hy neem egter ‘n hele hoofstuk in die Bybel, Romeine 16, om die mense wat hom gehelp het om sukses in sy roeping te behaal, te erken. Die titel van die hoofstuk kon: ‘Ek kon dit nie sonder jou gedoen het nie!’ gewees het. Paulus begin die hoofstuk deur van Febe te vertel: ‘…Ek beveel haar sterk by julle aan… Sy is ‘n staatmaker wat al baie gelowiges ondersteun het – ook vir my’ (verse 1-2 NLV). President Lyndon Johnson het gesê: ‘Daar is geen probleem wat ons nie saam kan oplos nie en baie min wat ons self kan oplos.’ Toe God vir Adam geskep het, het Hy gesê: ‘…Dit is nie goed dat die mens alleen is nie. Ek sal vir hom ‘n metgesel maak…’ (Genesis 2:18 NLV). Hy het toe vir Eva geskep. Van die begin af leer God ons dat baie min dinge van belang al ooit deur iemand wat alleen optree, bereik is. Kyk onder die oppervlak en jy sal vind dat die meeste prestasies in werklikheid spanpogings was. Daniel Boone het metgeselle van die Transylvania Company tot sy beskikking gehad terwyl hy die Wildernispad uitgelê het. Wyatt Earp se twee broers en Doc Holliday het hom bygestaan. Charles Lindbergh het die finansiering van nege sakemanne van St. Louis en die kundigheid van die Ryan Aeronautical Company, wat sy vliegtuig gebou het, gehad. Selfs Albert Einstein het erken: ‘Ek besef baie keer per dag hoeveel my eie uiterlike en innerlike lewe op die arbeid van my medemens, beide lewende en dooies, gebou is en hoe ernstig ek myself moet inspan om soveel in ruil daarvoor te gee as wat ek ontvang het.’ Die geheim tot sukses kan in hierdie drie woorde opgesom word: verbintenis… toewyding… kommunikasie.
Verbintenis. Toewyding. Kommunikasie.
Wanneer dit by die lewe se groot presteerders kom, is die apostel Paulus in sy eie liga. Hy neem egter ‘n hele hoofstuk in die Bybel, Romeine 16, om die mense wat hom gehelp het om sukses in sy roeping te behaal, te erken. Die titel van die hoofstuk kon: ‘Ek kon dit nie sonder jou gedoen het nie!’ gewees het. Paulus begin die hoofstuk deur van Febe te vertel: ‘…Ek beveel haar sterk by julle aan… Sy is ‘n staatmaker wat al baie gelowiges ondersteun het – ook vir my’ (verse 1-2 NLV). President Lyndon Johnson het gesê: ‘Daar is geen probleem wat ons nie saam kan oplos nie en baie min wat ons self kan oplos.’ Toe God vir Adam geskep het, het Hy gesê: ‘…Dit is nie goed dat die mens alleen is nie. Ek sal vir hom ‘n metgesel maak…’ (Genesis 2:18 NLV). Hy het toe vir Eva geskep. Van die begin af leer God ons dat baie min dinge van belang al ooit deur iemand wat alleen optree, bereik is. Kyk onder die oppervlak en jy sal vind dat die meeste prestasies in werklikheid spanpogings was. Daniel Boone het metgeselle van die Transylvania Company tot sy beskikking gehad terwyl hy die Wildernispad uitgelê het. Wyatt Earp se twee broers en Doc Holliday het hom bygestaan. Charles Lindbergh het die finansiering van nege sakemanne van St. Louis en die kundigheid van die Ryan Aeronautical Company, wat sy vliegtuig gebou het, gehad. Selfs Albert Einstein het erken: ‘Ek besef baie keer per dag hoeveel my eie uiterlike en innerlike lewe op die arbeid van my medemens, beide lewende en dooies, gebou is en hoe ernstig ek myself moet inspan om soveel in ruil daarvoor te gee as wat ek ontvang het.’ Die geheim tot sukses kan in hierdie drie woorde opgesom word: verbintenis… toewyding… kommunikasie.
