Woord vir Vandag - 28 Jan 2025
Loading player...
“Wie egter van die water drink wat Ek hom gee, sal nimmer as te nooit weer dors word…” Johannes 4:14 NLV
Net Jesus kan jou siel bevredig
Die vrou wat Jesus by die put van Jakob ontmoet het, was al vyf keer getroud. Sy het deur verskeie verhoudings probeer om die leemte binne in haar te vul. Dit het egter nie vir haar gewerk nie en dit sal ook nie vir jou werk nie. Om die korporatiewe leer uit te klim, meer en meer besittings aan te skaf of beroemd te word, sal ook nie daardie leemte vul nie. Let op wat Jesus vir hierdie vrou gesê het: ‘Wie egter van die water drink wat Ek hom gee, sal nimmer as te nooit weer dors word…’ Wanneer jy sonder water in die woestyn is, kom daar ‘n stadium wanneer jy lugspieëlings begin sien en dinge wat nie waar is nie, begin glo. Wanneer jou siel uitgedroog is, begin jy na dinge uitreik wat nie regtig is nie en wat jou siel nie kan bevredig nie. Jesus het nie hierdie vrou se verlede opgehaal om haar te verneder nie. Hy het dit vir slegs een rede opgehaal; om haar te laat weet dat Hy die wonde van haar verlede kan genees en haar hoop vir ‘n beter toekoms kan gee. Hy het dit ook gedoen. Nie net het Hy haar getransformeer nie, maar sy het ook die eerste persoon geword wat die evangelie in Samaria bekendgemaak het. Miskien dink jy jy is verby die punt van hoop en verlossing. Dawid was nie en hy het owerspel gepleeg en dit met ‘n moord toegesmeer. Petrus was nie en hy het Jesus verloën. Paulus was nie en hy het Christene vermoor voor hy self een geword het. Hier is Jesus se belofte: ‘…Die water wat Ek vir hom sal gee, sal ‘n fontein in hom word waarvan die water vir altyd sal bly opborrel’ (vers 14 NLV).
Net Jesus kan jou siel bevredig
Die vrou wat Jesus by die put van Jakob ontmoet het, was al vyf keer getroud. Sy het deur verskeie verhoudings probeer om die leemte binne in haar te vul. Dit het egter nie vir haar gewerk nie en dit sal ook nie vir jou werk nie. Om die korporatiewe leer uit te klim, meer en meer besittings aan te skaf of beroemd te word, sal ook nie daardie leemte vul nie. Let op wat Jesus vir hierdie vrou gesê het: ‘Wie egter van die water drink wat Ek hom gee, sal nimmer as te nooit weer dors word…’ Wanneer jy sonder water in die woestyn is, kom daar ‘n stadium wanneer jy lugspieëlings begin sien en dinge wat nie waar is nie, begin glo. Wanneer jou siel uitgedroog is, begin jy na dinge uitreik wat nie regtig is nie en wat jou siel nie kan bevredig nie. Jesus het nie hierdie vrou se verlede opgehaal om haar te verneder nie. Hy het dit vir slegs een rede opgehaal; om haar te laat weet dat Hy die wonde van haar verlede kan genees en haar hoop vir ‘n beter toekoms kan gee. Hy het dit ook gedoen. Nie net het Hy haar getransformeer nie, maar sy het ook die eerste persoon geword wat die evangelie in Samaria bekendgemaak het. Miskien dink jy jy is verby die punt van hoop en verlossing. Dawid was nie en hy het owerspel gepleeg en dit met ‘n moord toegesmeer. Petrus was nie en hy het Jesus verloën. Paulus was nie en hy het Christene vermoor voor hy self een geword het. Hier is Jesus se belofte: ‘…Die water wat Ek vir hom sal gee, sal ‘n fontein in hom word waarvan die water vir altyd sal bly opborrel’ (vers 14 NLV).
