Woord vir Vandag - 27 Jan 2025
Loading player...
“Maar nou is die geregtigheid van God geopenbaar sonder die wet…” Romeine 3:21 AFR53
Verstaan geregtigheid
Jy sal hemel toe gaan omdat jy jou vertroue in Christus se geregtigheid, nie jou eie nie, geplaas het. Jy vra: ‘Maar is dit nie belangrik om die regte dinge te doen nie?’ Absoluut. Jou beloning in die hemel sal deur wat jy vir God hier op aarde gedoen het, bepaal word. Jou verlossing hang egter van jou vertroue in Christus se optrede, nie jou eie nie, af. Satan weet dit en hy sal jou na ‘n prestasie-gebaseerde Christelike lewe probeer terugdryf. Wanneer jy dan misluk, soos jy vir seker sal, sal hy jou veroordeel en jou vertel dat jy nie God se liefde en aanvaarding waardig is nie. Let op wat veroordeling doen: 1) Dit steel jou selfvertroue voor God. Jy is nie in staat om sy beloftes op te eis nie, omdat jy onwaardig voel. Daar word een-en-dertig keer in die Skrif genoem dat ons ‘in Christus’ is. Dis een vir elke dag van die maand. Herinner jouself dus elke dag dat jy ‘in Christus’ is en omdat Hy waardig is, word jy aanvaar. 2) Dit maak jou prikkelbaar en onaangenaam om by te wees. Verslawingberaders beskryf dit as om ongemaklik in jou eie vel te voel. Gevolglik begin jy dit wat jy aan die binnekant voel, uiterlik projekteer. Wat is die antwoord? Paulus gee dit vir ons: ‘Niemand sal dus op grond van wetsgehoorsaming voor God vrygespreek kan word nie… Maar nou het God vir ons ‘n ander weg bekendgemaak waardeur ons sy vryspraak kan verkry… God spreek ons vry wanneer ons op Jesus vertrou om ons sonde weg te neem. Ons kan almal hierdie vryspraak ontvang, maak nie saak wie ons is of wat ons gedoen het nie’ (verse 20-22 NLV). Geregtigheid word op jou rekening deur geloof, nie werke nie, gekrediteer. Vandag is jy ‘in Christus’ geliefd en aanvaar.
Verstaan geregtigheid
Jy sal hemel toe gaan omdat jy jou vertroue in Christus se geregtigheid, nie jou eie nie, geplaas het. Jy vra: ‘Maar is dit nie belangrik om die regte dinge te doen nie?’ Absoluut. Jou beloning in die hemel sal deur wat jy vir God hier op aarde gedoen het, bepaal word. Jou verlossing hang egter van jou vertroue in Christus se optrede, nie jou eie nie, af. Satan weet dit en hy sal jou na ‘n prestasie-gebaseerde Christelike lewe probeer terugdryf. Wanneer jy dan misluk, soos jy vir seker sal, sal hy jou veroordeel en jou vertel dat jy nie God se liefde en aanvaarding waardig is nie. Let op wat veroordeling doen: 1) Dit steel jou selfvertroue voor God. Jy is nie in staat om sy beloftes op te eis nie, omdat jy onwaardig voel. Daar word een-en-dertig keer in die Skrif genoem dat ons ‘in Christus’ is. Dis een vir elke dag van die maand. Herinner jouself dus elke dag dat jy ‘in Christus’ is en omdat Hy waardig is, word jy aanvaar. 2) Dit maak jou prikkelbaar en onaangenaam om by te wees. Verslawingberaders beskryf dit as om ongemaklik in jou eie vel te voel. Gevolglik begin jy dit wat jy aan die binnekant voel, uiterlik projekteer. Wat is die antwoord? Paulus gee dit vir ons: ‘Niemand sal dus op grond van wetsgehoorsaming voor God vrygespreek kan word nie… Maar nou het God vir ons ‘n ander weg bekendgemaak waardeur ons sy vryspraak kan verkry… God spreek ons vry wanneer ons op Jesus vertrou om ons sonde weg te neem. Ons kan almal hierdie vryspraak ontvang, maak nie saak wie ons is of wat ons gedoen het nie’ (verse 20-22 NLV). Geregtigheid word op jou rekening deur geloof, nie werke nie, gekrediteer. Vandag is jy ‘in Christus’ geliefd en aanvaar.
