Woord vir Vandag - 23 Jan 2025
Loading player...
“tot sy woorde waar geword het, en die Here se woorde bevestig is.” Psalm 105:19 NLV
Vertrou die belofte wat God vir jou gegee het
Toe Josef se broers hom van sy kleurvolle jas, wat sy vader se guns verteenwoordig het, gestroop het, wat het hom standvastig gehou? Die belofte wat God aan hom gegee het. Toe hy in ‘n put gegooi is en in slawerny verkoop is, wat het hom standvastig gehou? Die belofte wat God aan hom gegee het. Toe die skinker met wie hy in die tronk bevriend geraak het, vergeet het om sy saak voor farao te bepleit, wat het hom standvastig gehou? Die belofte wat God aan hom gegee het. ‘Hy het iemand vooruitgestuur: Josef, wat verkoop is as slaaf. Sy voete het hulle in boeie gedwing, en sy nek in ‘n ysterhalsband gesit tot sy woorde waar geword het, en die Here se woorde bevestig is. Toe het Farao hom vrygelaat; die heerser oor volke het hom bevry. Hy het hom aangestel oor sy huis, met gesag oor al sy eiendomme’ (verse 17-21 NLV). God se Woord sal die toets van tyd deurstaan, maar vir dit om te gebeur, moet jy gedurende jou tye van beproewing sterk in geloof staan. Jy sal deur die houding en aksies van jou familie getoets word. Jy sal deur die ontrouheid en verraad van vriende wat jy vertrou het, getoets word. Jy sal deur omstandighede van teëspoed en swaarkry wat die teenoorgestelde is van wat God aan jou belowe het, getoets word. Jy sien, God is meer in jou karakter as in jou gemak geïnteresseerd. Hoekom toets mens iets? Om uit te vind of dit betroubaar is. Wanneer jy jouself betroubaar bewys, kan jy op die volgende belofte staan: ‘…Wees seker dit gaan gebeur…’ (Habakuk 2:3 NLV). Staan dus vandag op die belofte wat God vir jou gegee het.
Vertrou die belofte wat God vir jou gegee het
Toe Josef se broers hom van sy kleurvolle jas, wat sy vader se guns verteenwoordig het, gestroop het, wat het hom standvastig gehou? Die belofte wat God aan hom gegee het. Toe hy in ‘n put gegooi is en in slawerny verkoop is, wat het hom standvastig gehou? Die belofte wat God aan hom gegee het. Toe die skinker met wie hy in die tronk bevriend geraak het, vergeet het om sy saak voor farao te bepleit, wat het hom standvastig gehou? Die belofte wat God aan hom gegee het. ‘Hy het iemand vooruitgestuur: Josef, wat verkoop is as slaaf. Sy voete het hulle in boeie gedwing, en sy nek in ‘n ysterhalsband gesit tot sy woorde waar geword het, en die Here se woorde bevestig is. Toe het Farao hom vrygelaat; die heerser oor volke het hom bevry. Hy het hom aangestel oor sy huis, met gesag oor al sy eiendomme’ (verse 17-21 NLV). God se Woord sal die toets van tyd deurstaan, maar vir dit om te gebeur, moet jy gedurende jou tye van beproewing sterk in geloof staan. Jy sal deur die houding en aksies van jou familie getoets word. Jy sal deur die ontrouheid en verraad van vriende wat jy vertrou het, getoets word. Jy sal deur omstandighede van teëspoed en swaarkry wat die teenoorgestelde is van wat God aan jou belowe het, getoets word. Jy sien, God is meer in jou karakter as in jou gemak geïnteresseerd. Hoekom toets mens iets? Om uit te vind of dit betroubaar is. Wanneer jy jouself betroubaar bewys, kan jy op die volgende belofte staan: ‘…Wees seker dit gaan gebeur…’ (Habakuk 2:3 NLV). Staan dus vandag op die belofte wat God vir jou gegee het.
