Woord vir Vandag - 26 Des 2024
Loading player...
“Toe Josef wakker word, het hy gemaak soos die engel van die Here hom beveel het…” Matteus 1:24 NLV
Lesse uit Josef se lewe (4)
Daar is goddelike doelwitte wat getrou bewaak en beskerm moet word om vervul te kan word. Josef gee ons drie sleutels om God se beloftes te vervul. Die eerste sleutel is genade en die tweede sleutel is geloof. Kom ons kyk na die derde sleutel: gehoorsaamheid. ‘Toe Josef wakker word, het hy gemaak soos die engel van die Here hom beveel het. Hy het Maria as sy vrou by hom in die huis geneem, maar hy het nie by haar geslaap totdat haar Seun gebore is nie. En hy het Hom Jesus genoem’ (verse 24-25 NLV). Josef was aan God gehoorsaam toe die omstandighede, menslik gesproke, nie sin gemaak het nie. Hy het God gehoorsaam toe sy gedagtes vol twyfel was. Hy het God gehoorsaam terwyl sy emosies in ‘n warboel was. Hy het God gehoorsaam toe dit beteken het dat hy sy huis moet verlaat en in Egipte moet gaan bly totdat Herodus dood is. Vir Josef het dit beteken om ‘n gevestigde besigheid en familie en vriende agter te laat. Dit het beteken dat hy in ‘n land moes gaan woon waar hy nie die taal verstaan of gepraat het nie. Hy het ook nie geweet hoe lank hulle daar sou moes bly nie: Weke? Maande? Jare? Alhoewel Egipte ‘n moeilike plek was om in te woon, was dit ‘n plek van gehoorsaamheid. God se beloftes word in plekke van gehoorsaamheid beskerm. God se beloftes aan ons word in plekke van gehoorsaamheid vervul. God openbaar sy wil in plekke van gehoorsaamheid aan ons. Wonderwerke gebeur in plekke van gehoorsaamheid. Voorsiening vind op plekke van gehoorsaamheid plaas. Ons is veilig in plekke van gehoorsaamheid. Wag jy vir ‘n belofte om vervul te word? Soek jy ‘n antwoord op gebed? Gebruik die sleutels van genade, geloof en gehoorsaamheid.
Lesse uit Josef se lewe (4)
Daar is goddelike doelwitte wat getrou bewaak en beskerm moet word om vervul te kan word. Josef gee ons drie sleutels om God se beloftes te vervul. Die eerste sleutel is genade en die tweede sleutel is geloof. Kom ons kyk na die derde sleutel: gehoorsaamheid. ‘Toe Josef wakker word, het hy gemaak soos die engel van die Here hom beveel het. Hy het Maria as sy vrou by hom in die huis geneem, maar hy het nie by haar geslaap totdat haar Seun gebore is nie. En hy het Hom Jesus genoem’ (verse 24-25 NLV). Josef was aan God gehoorsaam toe die omstandighede, menslik gesproke, nie sin gemaak het nie. Hy het God gehoorsaam toe sy gedagtes vol twyfel was. Hy het God gehoorsaam terwyl sy emosies in ‘n warboel was. Hy het God gehoorsaam toe dit beteken het dat hy sy huis moet verlaat en in Egipte moet gaan bly totdat Herodus dood is. Vir Josef het dit beteken om ‘n gevestigde besigheid en familie en vriende agter te laat. Dit het beteken dat hy in ‘n land moes gaan woon waar hy nie die taal verstaan of gepraat het nie. Hy het ook nie geweet hoe lank hulle daar sou moes bly nie: Weke? Maande? Jare? Alhoewel Egipte ‘n moeilike plek was om in te woon, was dit ‘n plek van gehoorsaamheid. God se beloftes word in plekke van gehoorsaamheid beskerm. God se beloftes aan ons word in plekke van gehoorsaamheid vervul. God openbaar sy wil in plekke van gehoorsaamheid aan ons. Wonderwerke gebeur in plekke van gehoorsaamheid. Voorsiening vind op plekke van gehoorsaamheid plaas. Ons is veilig in plekke van gehoorsaamheid. Wag jy vir ‘n belofte om vervul te word? Soek jy ‘n antwoord op gebed? Gebruik die sleutels van genade, geloof en gehoorsaamheid.
