Operasie Umbra

MAROELA MEDIA  |  Series , ±8 min episodes total time 16 hr 13 min  | 
In ‘Operasie Umbra’ het direkteur Frans Ludik sy hande vol om vas te stel wat regtig destyds met die aftakeling van Suid-Afrika se kernwapenprogram gebeur het. Hy besef gou heelwat geheime uit die verlede is na die hede oorgedra. Dis of die kernsage van vroeër hom opnuut in Gansvlei afspeel. Geraamtes tuimel uit kaste. Umbra is nie verniet die donkerste deel van ʼn skaduwee nie.

‘Operasie Umbra’ is ʼn spanningsvolle radiodrama uit die pen van Joe Kleinhans. Die verhaal van 120 episodes word deur Bettie Kemp, in samewerking met Maroela Media, vervaardig.

Subscribe to this channel

You can subscribe to new audio episodes published on this channel. You can follow updates using the channel's RSS feed, or via other audio platforms you may already be using.

RSS Feed

You can use any RSS feed reader to follow updates, even your browser. We recommend using an application dedicated to listening podcasts for the best experience. iOS users can look at Overcast or Castro. Pocket Casts is also very popular and has both iOS and Android versions. Add the above link to the application to follow this podcast channel.

Signup to iono.fm

Sign up for a free iono.fm user account to start building your playlist of podcast channels. You'll be able to build a personalised RSS feed you can follow or listen with our web player.
13

Operasie Umbra – Episode 13

Direkteur Frans Ludik besluit dis tyd om agent Roux Koekemoer persoonlik op te kommandeer vir ʼn dag se werk wat nie langer kan wag nie. Hulle worstel met ʼn vraagstuk uit die kernbomdae. ʼn Brunet trek aandag: “Dis nie hoe dames op Gansvlei aantrek nie.” Wie is sy?
14

Operasie Umbra – Episode 14

Victor Gerwel se selfdood is weer diep onder bespreking: “Hoekom steel jy kameras as jy selfdood pleeg?” Iemand kom met interessante inligting oor Victor Gerwel se selfdood na vore wat die vraag laat ontstaan: Was dit regtig selfdood?
15

Operasie Umbra – Episode 15

Brand van Blerck word na Gansvlei se dorpsplein gelok. Sy besoek word deur ʼn kaart gekenmerk wat Karien laat opmerk: “Nee Oom, iemand het presies geweet wat hy doen. Ek weet net nie wat die boodskap beteken nie.” Sy besoek aan die dorp eindig met dramatiese gevolge.
16

Operasie Umbra – Episode 16

Die getekende kaart maak opslae. Na wie soek almal straat op en straat af: “Hoe deeglik het julle na die huurmotorbestuurder gesoek?” word gevra. En wat lewer die intense soektog op? Kyk wie hang uit met sy vermommings!
17

Operasie Umbra – Episode 17

Die getekende kaart is steeds die middelpunt van bespreking en dit blyk meer as ʼn dorpskaart te wees want iemand sê: “Die rooi streep is die pad na verrykte uraan en die groen streep na verarmde uraan.” Agent Roux Koekemoer het ʼn plan wat gevolge gaan hê. Francis Gerwel is opgewonde: “Sy is my nuwe Kaapse kontak vir my groente- en vrugtebehoeftes.” Is dit ʼn onskuldige kontak of het Francis planne?
18

Operasie Umbra – Episode 18

Malan van Wyk is omgekrap maar ook opgewonde: “Hulle oorweeg ʼn fabriekaanleg in Suid-Afrika en dit mag in Gansvlei gebeur.” Wie oorweeg sulke groot planne en waarom juis op die stil dorpie? Die lys van posbuseienaars op die dorpsplein lewer ʼn interessante naam en inhoud op.
19

Operasie Umbra – Episode 19

Iemand skinder gesellig oor agent Roux Koekemoer: “Het jy geweet die man wat jou lande gespuit het, het tot onlangs nog vir Intelligensie gewerk?” Karien Carstens se hond, Bruno, gaan tekere oor ʼn besoeker… met goeie rede. Wat is die jongste nuus oor die geslote korrelkop Brand van Blerck?
20

Operasie Umbra – Episode 20

Karien Carstens betrap iemand op haar plaas wat ewe astrant antwoord: “Sjoe, maar jy is omtrent giftig. Die hek is nie gesluit nie. Ek het dit oopgemaak en deurgery.” Dit blyk dat Robert Rothman beslis nie ʼn gewilde minister was nie: “Rothman het ons misbruik wanneer dit hom gepas het.” Wie kla oor hom?
21

Operasie Umbra – Episode 21

Francis Gerwel wil bitter graag saamgaan Iran toe maar sy word gestuit: “Iran het vereistes gestel. Jou supermark is nie ʼn prioriteit nie.” Natuurlik gaan die dinamiese vrou dit nie sommerso aanvaar nie. Sy voer altyd ʼn plan in die mou. Die ouetehuis kry uiteindelik ʼn lankverwagte geskenk.
22

Operasie Umbra – Episode 22

ʼn Ete in die Gansvlei Hotel maak opslae. Direkteur Frans Ludik maak ʼn vernuftige plan. Maar hy loop hom vas in iemand wat hy eintlik nie wil sien nie. Malan van Wyk maak uiteindelik die lankverwagte Iran-aankondiging: “Julle is vier wat volgende week vlieg.”
23

Operasie Umbra – Episode 23

Brand van Blerck steek sy trots in sy sak en vra hulp. Die gesprek draai gou by Robert Rothman en die kernbomsage: “Het dit nie miskien alles met die uraanverrykingsproses te doen nie? Ek verstaan Suid-Afrika het ʼn unieke en inheemse proses ontwikkel wat nooit elders bekend was nie. Dit moet sekerlik nog markwaarde hê.” Is dit hoekom so baie paaie na Gansvlei lei?
24

Operasie Umbra – Episode 24

Karien Carstens sukkel om tot verhaal te kom ná ʼn nag van skokke. “Ek vermoed die vrou met die duur Duitse motor het iets met die… gemors te doen.” Na wie verwys Karien? Sy kry inligting oor haar pa wat haar ruk. En dis lank nog nie die einde van die dag se skokke nie.

114 episodes

« Back 13—24 More »