Kosmos 94.1 Nuus

Mynboumaatskappye moet meer tot landelike ontwikkeling bydra

Loading player...
Voorsitter van die Erongo-streeksraad, Lazarus Kanelombe, doen 'n beroep op mynmaatskappye om 'n groter rol in landelike ontwikkeling te speel. Hy het Maandag tydens 'n vergadering met mynmaatskappye in Swakopmund gesê gemeenskappe het steeds groot uitdagings met toegang tot skoon water, behuising en ekonomiese bemagtiging. Kanelombe het onder meer volhoubare wateroplossings voorgestel, insluitend vloedwalle wat met klein pypleidings verbind word om water na afgeleë dorpe te voorsien. Hy sê mynboumaatskappye moet help om hierdie ontwikkelingsuitdagings aan te spreek.
10 Nov 12AM Afrikaans South Africa News

Other recent episodes

NEASA verwerp voorgestelde kwotas vir die indiensneming van buitelandse burgers

Die Nasionale Werkgewersvereniging van Suid-Afrika het die voorgestelde Wysigingswetsontwerp op Indiensneming verwerp en gewaarsku kwotas vir buitelandse werkers ’n buitensporige administratiewe en finansiële las op ondernemings sal plaas. Die wetsontwerp bemagtig die Departement van Indiensneming en Arbeid om perke op die indiensneming van buitelandse werkers te stel, met boetes van…
10 Nov 1AM 1 min

Onderwyskursusse moet by arbeidsmark aanpas

Namibiese onderwysinstellings word versoek om hul kursusse by die veranderende behoeftes van die arbeidsmark aan te pas. Die oproep is Maandag tydens die bekendstelling van die sesde uitgawe van die Careers in Namibia-gids in Windhoek gedoen. Die waarnemende uitvoerende direkteur van die arbeidsministerie, Aune Mudjanima, sê tegnologiese vooruitgang, klimaatsverandering en…
10 Nov 1AM 1 min

SA polisie arresteer byna 25 000 verdagtes tydens twee weke in aanloop tot feesgety

Die polisie het in die afgelope twee weke tydens landwye operasies byna 25-duisend verdagtes in hegtenis geneem. Dit is deel van die inisiatief vir 'n veiliger feestyd. Onder die gearresteerdes is twee-duisend-680 verdagtes wat gesoek is in verband met ernstige en gewelddadige misdade. Die polisie het ook beslag gelê op…
10 Nov 12AM 1 min

Rough & Tough Rally samel fondse vir Kankervereniging in

Die jaarlikse Rough & Tough Rally bereik eerskomende Saterdag sy einde ná ’n uitdagende roete van sowat 1 000 kilometer deur Damaraland. Die byeenkoms bring klassieke motor-entoesiaste bymekaar, met die doel om fondse vir die Kankervereniging van Namibië in te samel. Die vereniging se uitvoerende hoof, Rolf Hansen:
9 Nov 11PM 1 min

Vroeë somerbuie voorspel vir groot dele van Namibië

Met maksimum temperature van 31 grade in Windhoek, 34 in Ondangwa en 39 in Keetmanshoop, kan Namibiërs vandag ook op 'n bietjie reën en verligting van die hitte hoop. Weerkenner George van der Merwe sê vroeë somer-donderbuie word oor sentraal-, noordelike en noordoostelike Namibië verwag, met moontlik swaar neerslae wat…
9 Nov 11PM 1 min
All episodes