Kosmos 94.1 Nuus

Oproep om kinderbedelary by kruisings hok te slaan

Loading player...
Daar word gevra vir dringende ingryping oor die toenemende aantal Angolese kinders wat by straatkruisings in Namibië geld by motoriste bedel. Dit volg te midde van bewerings dat sommige kinders aggressief raak en selfs klippe na voertuie gooi wanneer motoriste nie geld gee nie. Michael Nieuwoudt, senior privaatondersoeker by Namibia Investigation Services, waarsku dat die voorvalle ’n ernstige veiligheidsrisiko vir motoriste, passasiers en die kinders self inhou.

Hy sê enige ingryping moet wetstoepassers, maatskaplike werkers en die regerings van Namibië en Angola betrek.
22 Oct 6AM Afrikaans South Africa News

Other recent episodes

WGO: Klimaatoptrede kan jaarliks 1,6 miljoen lewens red

Die direkteur-generaal van die Wêreldgesondheidsorganisasie, Tedros Ghebreyesus, sê klimaatsoptrede kan jaarliks sowat 1,6 miljoen lewens red en triljoene dollars se ekonomiese voordele oplewer. Maatreëls soos beter hittewaarskuwing-stelsels, skoner huishoudelike energie, en verbeterde toegang tot skoon water kan volgens hom 'n groot verskil maak. Tedros waarsku dat klimaatsverandering reeds siekte-uitbrekings aanwakker…
5 Nov 5AM 1 min

Namibië se jaarlikse inflasie styg tot 5,6%

Die jaarlikse hoofinflasiekoers vir Oktober het op 5,6 persent te staan gekom, teenoor 5,4 persent in September. Dit is ook hoër as die 3,6 persent wat in Oktober verlede jaar aangeteken is, volgens die jongste syfers van die Namibiese Statistiekagentskap. Die agentskap se woordvoerder, Mirjam Shihepo, sê kerninflasie het op…
5 Nov 5AM 1 min

Dunaiski waarsku oor presidensiële beheer van Dangote-projek

President Netumbo Nandi-Ndaitwah se besluit om die reuse-Dangote-brandstofinfrastruktuurprojek onder die direkte toesig van die Presidensie te plaas, wek vrae oor die bestuur van groot beleggings. Bestuurskenner Pius Dunaiski waarsku dat Namibië waaksaam moet wees oor die risiko's wanneer sulke projekte onder presidensiële beheer geplaas word. Hy voer aan dat Afrika…
5 Nov 5AM 1 min

Roodt: AGOA-uitsluiting sal beperkte impak op SA se groei hê

Ekonoom Dawie Roodt sê Suid-Afrika se uitsluiting van die Amerikaanse AGOA-handelsooreenkoms vanaf Januarie 2027 kan ekonomiese groei met minder as 0,1 persentasiepunt verminder. Hoewel hy die besluit as slegte nuus vir 'n reeds sukkelende ekonomie beskryf, sê hy dit is nie katastrofies nie, aangesien Suid-Afrika se uitvoere onder die voorkeurhandelsooreenkoms…
5 Nov 5AM 1 min

IPC bevraagteken spoorontwikkeling in die Noorde

Die IPC bevraagteken die ekonomiese regverdiging van verdere spoorontwikkeling in die Noorde. Nelson Kalangula, die party se skadu-minister van Werke en Vervoer, sê groter voorkeur behoort eerder aan die beplande spoorverbinding tussen Windhoek en Botswana gegee te word. Hy het tydens 'n debat in die Nasionale Vergadering ook die 57…
5 Nov 5AM 1 min
All episodes