Zaamwani soek oudit van hervestigingsplase

Landbouminister Inge Zaamwani het opdrag gegee vir 'n oudit van alle plase wat die regering die afgelope vyf jaar verkry het, om vas te stel hoeveel daarvan toegewys is, hoeveel steeds onbewoon is en of die grond produktief aangewend word. Die oudit sal ook plase identifiseer wat rehabilitasie vereis voordat begunstigdes daar kan woon. Die opdrag is vervat in 'n toespraak wat namens haar deur die adjunkminister van landbou, Ruthy Masake, voorgelees is tydens die verwelkoming van nuwe lede van die Advieskommissie vir Grondhervorming.