Kosmos 94.1 Nuus

IPC eis besonderhede van ooreenkomste met China

Loading player...
Die IPC spreek kommer uit oor Namibië se onlangse ooreenkomste met China en vra vir groter deursigtigheid en die vrystelling van die volledige besonderhede van die ooreenkomste wat tydens president Netumbo Nandi-Ndaitwah se besoek aan Beijing onderteken is. Sy het oor die naweek teruggekeer. In 'n onderhoud met Kosmos 94.1 Nuus sê die party se skaduminister van internasionale betrekkinge, Rodney Cloete, dat vrae steeds bestaan oor strategiese gebiede, insluitend minerale, verdedigingsamewerking en ekonomiese vennootskappe, en waarsku dat Namibië moet verseker dat hierdie ooreenkomste duidelike voordele vir die land inhou.
13 Jul 12AM Afrikaans South Africa News

Other recent episodes

Gesondheidsamptenare ondersoek oor medisyne tekorte

President Netumbo Nandi-Ndaitwah sê sommige amptenare van die gesondheidsministerie word deur die Teenkorrupsiekommissie ondersoek te midde van voortslepende medisyne tekorte by staatshospitale en klinieke. Sy het tydens 'n dorpsvergadering in Swakopmund gesê ander amptenare is intussen na ander poste oorgeplaas terwyl probleme in die medisyneverskaffingsketting ondersoek word. Nandi-Ndaitwah bevraagteken waarom…
9 Nov 11PM 1 min

IPC eis onafhanklike ondersoek na August 26 Holdings

Die IPC doen 'n beroep op 'n onafhanklike ondersoek na August 26 Holdings midde kommer oor die maatskappy se brandstofverkrygingsreëlings, asook die invoer van drie gepantserde voertuie. Die IPC se skadu-verdedigingminister, Aloisius Kangulu, eis duidelikheid oor die beweerde teenstrydige verklarings oor die gepantserde voertuie, insluitend hul eienaarskap, aankoopkoste, finansiering en…
9 Nov 11PM 1 min

Bek-en-klouseer bedreig boere, werksgeleenthede en ekonomie

Bek-en-klouseer het die potensiaal om boerderybedrywe, werksgeleenthede en lewensbestaan te vernietig. Dit is die waarskuwing van die Presidensiële Taakspan vir Ekonomiese Herstel en Transformasie, wat vra vir dringende samewerking tussen die regering en die veebedryf om uitvoermarkte te heropen, boere te beskerm en te voorkom dat die uitbreking in ’n…
9 Nov 11PM 1 min

SA Regering maan raadslede tot integriteit

Die Suid-Afrikaanse regering het na verlede week se plaaslike regering-verkiesing nuutverkose raadslede aangemoedig om gemeenskappe met integriteit, deursigtigheid en verantwoordbaarheid te dien. Die regering het Suid-Afrikaners gelukgewens met hul deelname aan die verkiesing, en die Verkiesingskommissie, die polisie en ander belanghebbendes geprys nadat hulle verseker het die verkiesing het veilig,…
9 Nov 10PM 1 min

Chibozu roep SWAPO Vroueraad tot eenheid en sterker leierskap

Swapo se Zambezi-streekkoördineerder, Linken Chibozu, het Swapo se Vroueraad aangespoor om sy strukture te versterk, eenheid te bevorder en jong vroue vir toekomstige leierskap te mentor. Chibozu het by die raad se streekkonferensie gepraat en die behoefte aan gedissiplineerde lede wat gereed is om te dien en te mobiliseer, beklemtoon.
9 Nov 10PM 1 min
All episodes