Nascam 'ly onder swak toesig, ou stelsels en hoë koste'

Rauna Shipena, 'n spesialis in korporatiewe bestuur, sê deursigtigheid, verantwoordbaarheid en institusionele vertroue bly die grootste uitdagings vir die bestuur van die kreatiewe bedryf. Haar opmerkings kom nadat die raad van die Namibiese Vereniging van Komponiste en Outeurs van Musiek, Nascam, die uitvoerende hoof Albert Nicanor afgedank het na 'n dissiplinêre verhoor wat hom skuldig bevind het aan ernstige professionele wangedrag. Shipena het aan Kosmos 94.1 Nuus gesê dat swak toesigstrukture, hoë administratiewe koste en verouderde stelsels steeds kunstenaars se vertroue ondermyn.