Onderwys kry weer grootste begrotingstoekenning

Finansminister Ericah Shafudah het toekennings in die nasionale begroting vir die 2026-27-boekjaar so uiteengesit. Die maatskaplike sektor, wat onderwys, gesondheid, maatskaplike veiligheidsnette en jeugbemagtiging insluit, bly die grootste gebied van regeringsbesteding met ‘n toekenning van 54,3 miljard Namibiese dollar, of 61,7 persent van die totale begroting, uitgesluit rentebetalings. Onderwys ontvang 28 miljard dollar, gesondheid 13,1 miljard dollar en veiligheid en sekuriteit, 17 miljard dollar. Landbou ontvang 1,8 miljard en water en marienehulpbronne, 1 miljard dollar. Omgewing en toerisme ontvang net 736,8 miljoen dollar.