Verhoging in parkfooie is regverdig maar die tydsberekening

Die Gasvryheidsvereniging van Namibië het die onlangs aangekondigde toegangs- en bewaringsfooistruktuur vir die nasionale parke verwelkom, wat op 1 April in werking sal tree. Besoekers wat nie Namibiese burgers is nie, sal sowat 68 persent meer betaal as voorheen. Die nuwe prysaanpassings is die eerste groot opdatering sedert 2021 en is ontwerp om befondsing vir wildbewaring, parkbestuur en infrastruktuurverbeterings te versterk. Gitta Paetzold, die vereniging se uitvoerende hoof, sê in 'n onderhoud met Kosmos 94.1 Nuus dat hoewel die aankondiging skielik was, daar wel konsultasies met die bedryf plaasgevind het.