Trump sê hy’s nie siek nie, net besig

Amerikaanse president Donald Trump sê dat hy baie aktief was oor die afgelope langnaweek in die land en het bespiegeling op sosiale media oor sy gesondheid as vals nuus afgemaak. Dit was in reaksie op 'n vraag van 'n verslaggewer oor aanlyn gerugte dat hy gesterf het, ná hy vir ses dae nie in die openbaar gesien is nie. Hy was egter vaag oor sy doen en late en het feitefoute gemaak, soos dat hy vir net twee dae nie gesien is nie, en dat oudpresident Joe Biden soms vir maande nie gesien was nie. Luister self.