Wildlewe moet benut word, meer as net ‘kyk en sien’

Wêreld Olifantdag word vandag gevier en Namibië staan uit met een van die hoogste olifantbevolkings in die streek. Dit is 'n reuse-aanwins nie net vir bewaring nie, maar ook vir die toerismebedryf wat tot die ekonomie bydra, maar dit is ‘n las vir boere wat die skade, somtyds, derduisende, self moet dra. Oor die algemeen is Namibië se suksesvolle bewaringsprogramme die hoof bydraer tot konflik met wild. Kosmos 94.1 Nuus het met prof. Morgan Hauptfleisch, direkteur van navorsing by die Namibië Natuurstigting gepraat.