Goeie Nuus Vrydag- Cathy van Rensburg
Loading player...
Cathy van Rensburg het 13 jaar gelede haar projek in Elandspoort begin. Kefilwe Thusano het o.a. 'n kleuterskool, naskoolsentrum en vrouegroep, help minstens 50 gesinne met kospakkies en gee elke dag vir ongeveer 150 mense 'n bord gekookte kos.
Toe ons laas week vir Cathy gaan kuier, het Annemarie Pretorius van ons Bloudruk Mediaspan wat self 'n mamma en boonop 36 weke swanger is, gesien dat die kleuters net blokkies het om mee te speel. Sy het in haar hart gevoel om iets te doen, maar geweet as jy selfs net 'n voorstel by GROOTfm 90.5 maak, word dit deurgevoer! Annemarie en haar man, Barend het voelers uitgesteek na hulle verskillende kollegas en hulle seuntjie se Kwetterkousies Kleuterskool en teen gisteroggend kon ons 2 karre stampvol gepak met opvoedkundige speelgoed en wintersklere vir die kleuters vat saam met splinternuwe items vir kunsaktiwiteite en selfs 'n R2000 geskenkkaart vir kruideniersware!
Een van ons luisteraars wat al 'n paar jaar lank oorsee werk en self in Pretoria-Wes groot geword het, het weereens met 'n verdere R5000 skenking sy waardering vir die werk wat mense soos Cathy doen, gewys.
Ons projekte soos #JouMenseMyMense is nooit net 'n uitstalling om op 'n afstand te bekyk nie, maar 'n uitnodiging om deel te word van dit waarmee ons glo God besig is in ons gemeenskap. Ons is dankbaar vir hoe Annemarie en Barend en elkeen wat hulle ondersteun het asook luisteraars soos Johan se betrokkenheid en bydraes hierdie waardes waarvoor ons staan, lewe gee!
Toe ons laas week vir Cathy gaan kuier, het Annemarie Pretorius van ons Bloudruk Mediaspan wat self 'n mamma en boonop 36 weke swanger is, gesien dat die kleuters net blokkies het om mee te speel. Sy het in haar hart gevoel om iets te doen, maar geweet as jy selfs net 'n voorstel by GROOTfm 90.5 maak, word dit deurgevoer! Annemarie en haar man, Barend het voelers uitgesteek na hulle verskillende kollegas en hulle seuntjie se Kwetterkousies Kleuterskool en teen gisteroggend kon ons 2 karre stampvol gepak met opvoedkundige speelgoed en wintersklere vir die kleuters vat saam met splinternuwe items vir kunsaktiwiteite en selfs 'n R2000 geskenkkaart vir kruideniersware!
Een van ons luisteraars wat al 'n paar jaar lank oorsee werk en self in Pretoria-Wes groot geword het, het weereens met 'n verdere R5000 skenking sy waardering vir die werk wat mense soos Cathy doen, gewys.
Ons projekte soos #JouMenseMyMense is nooit net 'n uitstalling om op 'n afstand te bekyk nie, maar 'n uitnodiging om deel te word van dit waarmee ons glo God besig is in ons gemeenskap. Ons is dankbaar vir hoe Annemarie en Barend en elkeen wat hulle ondersteun het asook luisteraars soos Johan se betrokkenheid en bydraes hierdie waardes waarvoor ons staan, lewe gee!
