#JouMenseMyMense

Henru Grobler was maar 8 maande oud toe hy in 2001 saam met sy boeties en sussie in ‘n motorongeluk was. Sy ma en pa was besig om te skei en Pappa Hendrik was nie daardie dag by toe dit gebeur het nie. Hy het die oproep gekry en dadelik gery na die ongelukstoneel op die N3. Henru het op sy ma se skoot gesit tydens die botsing. Hy het baie ernstige kopbeserings opgedoen en verstik. Die trauma berader het vir Hendrik gebel en gesê ek moet hom klaarmaak vir die ergste...
Hendrik het dag en nag by Henru gewaak. Die hospitaalpersoneel het snags na 12 vir hom ‘n bed gegee om te slaap. Soggens 05:00 was hy weer by Henru. Hy kon elke vraag wat die dokter wou weet beter as die verpleegsters antwoord - tot op die milliliter wat Henru ingeneem het en hoeveel doeke. Hendrik het 80 dae se opgehoopte verlof gehad en ‘n goeie versorger vir Henru gekry. ‘n Neuro Ontwikkelingsterapeut het vir Hendrik en Roselinah by die huis kom oplei.