Naretu warm onder die kraag oor grenspos-vertragings

Vervoerders het hulle hande in hul hare met vertragings by grensposte. Die Namibiese Revolusionêre Vervoerunie, Naretu, het die vier-kilometer lange vertragings by Namibiese grense ten sterkste veroordeel. Dit is veroorsaak deur die opdatering van NamRA se ASYCUDA World-doeanestelsel. In gesprek met Kosmos 94.1 Nuus, het Naretu se hoof-in-bevel, Petersen Kambinda, die swak beplanning en gebrek aan kommunikasie met bestuurders gekritiseer en gewaarsku dat ernstige vertragings, veral by Katima Mulilo, die ekonomie benadeel.