Verwoesting van Jesus-standbeeld deur IDF lid, sterk veroordeel

’n Foto van ’n Israeliese soldaat wat ’n standbeeld van Jesus in die dorp Debel in die suide van Libanon met ’n voorhamer stukkend slaan, is aanlyn wyd versprei en wydverspreide veroordeling uitgelok. Israeliese premier Benjamin Netanyahu sê hy is “verstom en hartseer” oor wat gebeur het en dat die skuldige 'n gepaste straf sal ontvang. Die hoof van Debel se gemeente, Vader Fadi Flaifel, sê egter dis nie die eerste keer dat dit gebeur nie, en hulle verwerp totaal en al die ontheiliging van die kruis en alle godsdienstige simbole. Sky News se Midde-Ooste korrespondent Adam Parsons lewer kommentaar.