New York se LaGuardia weer oop vir vlugte

New York se LaGuardia-lughawe het heropen vir vlugte ná 'n voorval Maandagoggend Namibiese tyd waarin twee loodse gesterf het toe 'n Air Canada-vliegtuig teen sowat 160 kilometer per uur met 'n brandweerwa op 'n aanloopbaan gebots het. Die vliegtuig met 73 passasiers en vier bemanningslede aan boord het vanaf Montreal geland. Sowat 41 passasiers en bemanningslede, asook twee brandweerbeamptes is hospitaal toe geneem met geringe tot ernstige beserings. 'n Lugwaardin wat steeds aan haar sitplek vasgegordel was, is lewend maar met ernstige beserings gevind nadat die stoel deur die vloer van die beskadigde vliegtuig geval het. 'n Klankopname van die beheertoring is vrygestel. Luister self.