Parlementêre komitee neem bioveiligheid onder die loep

Lede van die Parlementêre Staande Komitee oor Natuurlike Hulpbronne hou vandeesweek ‘n hoëvlak werkswinkel oor die versterking van bioveiligheidsbestuur. Dit word aangebied deur die Nasionale Kommissie vir Navorsing, Wetenskap en Tegnologie by die Windhoek Buiteklub-oord. Die werkswinkel is ontwerp om die parlement se wetgewende en toesighoudende kapasiteit te verbeter in die hersiening van die Bioveiligheidswet van 2006 en die Nasionale Biotegnologiebeleid van 1999. Die komitee se voorsitter, Tobie Aupindi, het by die geleentheid belanghebbendes aangemoedig om landwye konsultasies te hou.