Ovaherero tradisionele leiers het kommer oor grond-wet

Tradisionele leiers het vandeesweek die wet rakende grond in diepte bespreek en bestudeer tydens konsultasies wat die lynministerie gehou het. Terwyl landbou steeds nie ‘n verklaring rakende die eerste sessies uitgereik het nie, het die gesprekke gefokus op die resolusies van die tweede nasionale grondkonferensie. Die Ovaherero tradisionele leiers het op 'n perskonferensie hulle kommer oor die wetgewing uitgespreek. Opperhoof Hoze Riruako is bekommerd oor beheer oor grond en die eienaarskap daarvan.