Amerikaanse belegging in mineralesektor kan goeie bydrae lewer

Namate die VSA sy strategiese belang in Namibië se mineralesektor vergroot, kom daar vrae oor of die land die regte transaksies sluit. Politieke ontleder professor Johan Coetzee waarsku dat Namibië, met die meeste uraanmyne onder Chinese beheer, die risiko loop om die volle waarde van sy enorme hulpbronne mis te loop. Hy het aan Kosmos 94.1 Nuus gesê dat sorgvuldig gestruktureerde Amerikaanse belegging die mededinging en kundigheid kan bring wat nodig is om die balans te verskuif.