Aktualiteit: Mike Bolhuis oor spiking-insidente en algemene padveiligheid hierde Feesseisoen

Motoriste op hoofroetes in en om Pretoria leef toenemend in vrees ná herhaalde voorvalle van voertuig-“spiking” wat reeds lewens geëis het. Nog ’n voorval is onlangs op die N1 aangemeld, en volgens privaat speurder Mike Bolhuis is dit deel van ’n goed-georganiseerde en uiters gevaarlike misdaadpatroon. Hy sluit nou by ons aan om meer lig te werp op hoe hierdie sindikate werk, waar die grootste risiko’s lê en wat motoriste prakties kan doen om hulself te beskerm.