Formele toerisme-data wys nie bedryf se omvang
Loading player...
Die Gasvryheidsvereniging van Namibië waarsku dat die land een van sy belangrikste nywerhede dramaties onderwaardeer. In 'n onderhoud met Kosmos 94.1 Nuus sê uitvoerende hoof Gitta Paetzold dat nuwe ontleding wat by die Travel Namibia Festival aangebied is, 'n duidelike wanverhouding toon tussen amptelike statistieke en toerisme se werklike ekonomiese gewig. Terwyl nasionale rekeninge steeds toerisme se BBP-bydrae op slegs 2 persent vasstel, sê Paetzold dat vars data van Cirrus Capital daarop dui dat die ware syfer nader aan 17 persent is, wanneer vervoer, landelike aktiwiteite, gemeenskapskampe en ongeregistreerde operateurs getel word.
