Planne vir elektroniese handtekeninge goed op dreef

Namibië berei voor om elektroniese handtekeninge landwyd uit te rol as deel van sy digitale transformasie-agenda. Linda Aipinge-Nakale, waarnemende uitvoerende direkteur in die inligtingministerie, het vanoggend tydens 'n e-handtekeninggeleentheid bevestig dat die wetlike en regulatoriese raamwerke, insluitend elektroniese handtekening- en kuberveiligheids-akkreditasieregulasies, byna gefinaliseer is. Die stap is daarop gemik om veilige digitale transaksies te bevorder, aanlynvertroue te versterk en die land se verskuiwing na 'n meer doeltreffende, tegnologiegedrewe openbare en private sektor te ondersteun.