Justin Trudeau bedank, vermy mosie van wantroue

Die Kanadese premier, Justin Trudeau, het sy bedanking op 'n nuuskonferensie by sy tydelike woning, Rideau Cottage, in Ottawa aangekondig. In sy toespraak het hy gesê 'n nuwe premier en leier van die Liberale Party sal die waardes en idees van die party in die volgende verkiesings dra. Trudeau sê hy sal in sy pos bly totdat die party 'n plaasvervanger kies. Die party sal vandeesweek vergader om die proses te begin om 'n nuwe leier te vind. Trudeau, onder hewige druk van Liberale wetgewers om te bedank te midde van peilings wat toon dat die party by die volgende verkiesing verpletter sal word, sê die parlement sal tot 24 Maart opgehef word. Luister self na Trudeau.