Hou by toeriste-reëls of word vervolg

Met die vakansieseisoen in volle swang, toon sommige plaaslike en ander toeriste roekelose gedrag op die paaie, bemors openbare ruimtes en raak betrokke by verbode aktiwiteite in nasionale parke. Die omgewing-ministerie veroordeel sulke oortredings ten sterkste en beklemtoon die belangrikheid daarvan om die aantrekkingskrag van Namibië se natuurlike erfenis vir besoekers te behou en die omgewing vir toekomstige geslagte te bewaar. Kosmos 94.1 Nuus het gesels met die ministerie se uitvoerende direkteur, Teofilus Nghitila, wat waarsku dat oortreders streng vervolg sal word.