2017: Diskoers

US Woordfees  |  Podcast, ±52 min episodes every 7 hours
Warm debatte oor aktuele sake vanaf Woordfees 2017.
11
MAR
2pm
Met: Max du Preez, Bill Nasson en Albert Grundlingh (gespreksleier) Max du Preez en Bill Nasson, een van Suid-Afrika se voorste geskiedkundiges, soek antwoorde op die vrae: Wat het geword van die wekroep in die stormag- tige 1980’s vir ’n nie-rassige Suid-Afrika? Bestaan dit hoegenaamd nog?
11
MAR
10am
In samewerking met Vriende van Afrikaans Kom vertel die vorige geslag waar jy Afrikaans graag oor 20 jaar sou wou sien. As jy ’n student is, of onlangs nog een was, weet jy al te goed hoe daar
al oor dié onderwerp vuisgeslaan is. Kom sê jou sê. Saartjie Botha, direkteur van die Woordfees en dramaturg, is die gespreksleier en oudregter en struggle- veteraan Albie Sachs lewer die inleiding.
11
MAR
9am
In samewerking met Stellenbosch 360 Is Stellenbossers dwarstrekkers? Of kan hulle saamwerk tot voordeel van almal? Jannie Durand (Remgro), Annemarie Ferns (Stellenbosch 360), Ilhaam Groenwald (US Sport), Dale Simons (kleinsakeman
van Jamestown), Gesie van Deventer (burgemeester) en Leopoldt van Huyssteen (US-bestuur) pak dié tameletjie. Andreas van Wyk is die skeidsregter. Die groot vraag is natuurlik of hulle sal kan saamstem.
10
MAR
12pm
Daar word gesê dat die generasies mekaar nie verstaan nie, maar dat hulle van mekaar hou. Is dit moonlik om ’n generasie te tipeer? Kan die energie en idealisme van jongmense en die ervaring en wysheid van ouer mense saam ingespan word, of is ons gedoem om mekaar te misverstaan? Ons paneellede vanuit verskillende generasies steek voelers na mekaar uit.
09
MAR
2pm
Hoe werk ’n sosiale rewolusie en waarom moet jongmense oënskynlik ’n saak
’n #naam gee om daaroor te agiteer?
Is dit blote struggle-nostalgie? Moet die samelewing hulle ‘naïwiteit’ duld
en wag dat die werklikheid tot hulle deurdring? Of moet ons gehoor gee? Aan wie? En as almal se geduld opraak?
08
MAR
3pm
Moontlik gemaak deur Edwin Hertzog, voorsitter van Mediclinic, en Mediclinic Met: Anton van Niekerk, direkteur van die IS Sentrum vir Toegepaste Etiek en Clara Findlay, uitvoerende hoof: regsdienste, Mediclinic; Hannes Loots, afgetrede kliniese bestuurder, Mediclinic, en Stefan Smuts, hoof: kliniese dienste, Mediclinic Hoe besluit jy watter pasiënte in
’n hospitaal opgeneem word en
watter nie wanneer daar net soveel hospitaalbeddens is? Wat gemaak as ’n pasiënt sorg weier? Dit is maar net twee van die vrae waarmee dokters in private gesondheidsorg elke dag te doen kry.
08
MAR
2pm
Met: Denise Ackermann en Margaret Blackie in gesprek met Frieda van den Heever Watter rol speel weerloosheid in die bevryding van die vrou? Frieda van den Heever vra op Internasionale Vrouedag vir Denise Ackermann, ’n prominente Black Sash-figuur tydens die apartheidsjare, en Margaret Blackie, ’n senior dosent in die US se Fakulteit Teologie, wat hulle dink.
07
MAR
2pm
Met: Bennie Naudé en Wessel van den Berg in gesprek met Theo Geyser Mans is in die moeilikheid. Die feit
dat meer en meer kinders sonder ’n vaderfiguur grootword, laat ’n onstilbare honger na die erkenning wat net ’n
pa kan gee en skep ’n teelaarde vir gevoelens van minderwaardigheid
en onsekerheid. Weens beperkte rolverwagtings leef talle mans in vrees
vir hulle posisie en die opkoms van feminisme help nie juis nie. Bennie Naudé is ’n EFT- (emosionele-vryheidstegnieke) afrigter en Wessel van den Berg is verbonde aan Sonke Gender Justice.