Agri-Uur 12 Augustus Gerhard Schutte

Rooivleisbedryf in SA wag op bevestiging oor Botswana opheffing van invoerverbod
Die Rooivleisprodusente-organisasie, RPO, stel ondersoek in oor 'n inligtingstuk wat versprei word rakende die departement van landbou in Botswana se opheffing van die verbod op die invoer van gesplete hoefdiere vanaf Suid-Afrika. Die RPO se uitvoerende hoof, Gerhard Schutte, sê dié organisasie kan in dié stadium nie bevestig of dit wel die geval is nie. OFM-nuus wag ook nog op terugvoer vanaf die Suid-Afrikaanse Departement van Landbou, Grondhervorming en Landelike Ontwikkeling rondom dit. Daarmee saam het OFM-nuus se Christal-Lize Muller by Schutte uitgevind oor die jongste situasie rondom bek-en-klouseer in Limpopo en die prys van lewende hawe wat goed is te midde van die Covid-19-pandemie.