#Vrouemaand : 'n Merkwaardige boer skud nie die Kalahari-sand af van haar voete
--:--
Suid-Afrika herdenk in Augustus vrouemaand as 'n huldeblyk aan duisende vroue, wat op 9 Augustus 1956 aan 'n optog na die Uniegebou in Pretoria deelgeneem het, in protes teen die uitbreiding van paswette aan vroue. Dié historiese optog was 'n keerpunt met betrekking tot die rol van vroue in die stryd om vryheid in die samelewing, Sedertdien het vroue uit alle samestellings gelyke vennote geword in die stryd om 'n nie-rassige en nie-seksistiese Suid-Afrika te vorm. OFM se Agri-Uur fokus daarom vandeesmaand op vroue in die landboubedryf, wat hul staal wys en nie skroom om geleenthede aan te gryp nie. Hester Maasdorp is een van daardie merkwaardige vrouem wat uitstaan. Sy swaai die seper op haar en haar man, Deon, se plaas Zuurwater by Aggeneys in die Noord-Kaap, en is 'n heeltydse boer in volle reg. Hester en Deon het albei 'n agtergrond in boerdery, maar die lus en behoefte om self te boer het eers later in hul lewens posgevat. Hester het aan OFM-nuus se Christal-Lize Muller vertel hoe hulle skaap-, boerbok- en beesboerdery van 'n klein begin tot 'n veeboerdery van formaat gegroei het. Sy vertel ook hoe sy te midde van uitdagings en veral die stewige greep van die droogte steeds staande bly.