Hartswater-moord stuur skokgolwe deur gemeenskap
--:--
Die wrede aanval, roof, ontvoering en moord op Danie Brand, sy vrou, Breggie en hul dogter, Elzabie, op 'n kleinhoewe in die Magogong-gebied by Hartswater in die Vaalhartsbesproeiingskema in die Noord-Kaap, het skokgolwe deur die gemeenskap gestuur. Johan Stoltz, bevelvoerder van die Vaalharts-gemeenskapsveiligsheidseenheid, het gisteraand aan OFM-nuus gesê, dit is traumaties vir die gemeenskap en dit is nie 'n maklike situasie nie. Stoltz het ook gisteraand bevestig al drie dié gesinslede se lyke is gekry en vyf verdagtes is aangekeer.Dié eenheid was nou betrokke by die soektog en die polisie se ondersoek. OFM-nuus se Christal-Lize Muller het gisteroggend met Stoltz gepraat...