Regering, privaatsektor moet hande vat met nuwe gesondheidsplan

Kommer neem toe oor die regering se pogings om staatsamptenare van private gesondheidsorg na staatshospitale te probeer stuur. Owerhede voer aan dat dit stygende mediese fondskoste kan verminder en openbare gesondheidsinfrastruktuur kan versterk, maar private gesondheidsorgverskaffers waarsku dat die stelsel dalk nog nie gereed is vir die hoër druk nie. Die uitvoerende hoof van die Namibiese Privaatpraktisynsforum, dr. Jürgen Hoffmann, het aan Kosmos 94.1 Nuus gesê dat sukses sal afhang van behoorlike bestuur, hulpbronne en samewerking tussen die regering en private gesondheidsorgverskaffers.