Kosmos 94.1 Nuus

'n Boer maak mos 'n plan

Loading player...
'n Boer se uitvindsel uit die Karoo maak wêreldwyd opslae nadat dit suksesvol in Amerika getoets is as 'n instrument om vee teen roofdiere te beskerm. Die spesiaal ontwerpte spykerhalsbande, wat die eerste keer in 1994 bekendgestel is om skape en bokke teen jakkalse te beskerm, toon nou belowende resultate teen coyotes op Amerikaanse plase. Die innovasie lok ook belangstelling in Australië, waar boere glo dat dit kan help om dingo's af te skrik. Wat begin het as 'n plaaslike oplossing om kleinvee te beskerm, het gegroei tot 'n internasionale voorbeeld van boergedrewe vindingrykheid in die aanpak van veeverliese. Kosmos 94.1 Nuus het met prof. Morgan Hauptfleisch, direkteur van navorsing by die Namibië Natuurstigting, gepraat.
25 Aug 2025 12AM Afrikaans South Africa News

Other recent episodes

Stygende bedryfskoste striem sake in Namibië

Soos Namibië 2026 binnegaan, navigeer werkgewers 'n uitdagende sakeklimaat wat gekenmerk word deur stadige ekonomiese groei, volgehoue hoë werkloosheid, stygende bedryfskoste en voortdurende onsekerheid rondom belegging en vraag. Die president van die Namibiese Werkgewersfederasie, Elia Shikongo, het aan Kosmos 94.1 Nuus gesê dat hierdie druk sake-uitbreiding beperk en werkskepping bedreig.
17 Jan 6AM 1 min

Noodeenheid na vloedramp in Limpopo, Mpumalanga ontplooi

Die minister van menslike nedersettings, Thembi Simelane, het die departement se noodbehuisingseenheid ontplooi na vloedgeteisterde gebiede in Limpopo en Mpumalanga. Die behuisingsingryping in Limpopo word gelei deur spanne wat die skade nagaan aan meer as 'n duisend huishoudings wat geraak is. In Mpumalanga kan sommige gesinne hervestig word of van…
17 Jan 4AM 1 min

Eksdirekteur van Steinhoff vyf jaar tronk toe

Cosatu het die skuldigbevinding van die voormalige Steinhoff-direkteur, Iwan Schelbert, deur die Pretoriase Gespesialiseerde Handelsmisdaadhof verwelkom. Schelbert het skuldig gepleit op bedrog en ingestem om te getuig, waarna hy vyf jaar tronkstraf opgelê is. Die federasie sê dit is 'n langverwagte oorwinning vir werkers en pensioenarisse wat 24 miljard rand…
17 Jan 3AM 1 min

SA ekonomie groei teen slakkepas

Die regering verwelkom die Wêreldbank se verslag wat toon dat Suid-Afrika se ekonomie verlede jaar met 1,3 persent gegroei het. Die verslag skryf hierdie verbeterings toe aan meer betroubare elektrisiteitsvoorsiening, 'n sterk landbou-oes en verhoogde sakevertroue. Die bank projekteer groei van 1,4 persent vanjaar en 1,5 persent volgende jaar, hoofsaaklik…
17 Jan 2AM 1 min

Unam sit voet neer oor gr. 11's

Die Universiteit van Namibië het benadruk dat dit nie graad 11-leerders sal toelaat nie en hou vol dat voornemende studente graad 12 moet voltooi om vir toelating te kwalifiseer. Unam-woordvoerder Simon Namesho het Vrydag beklemtoon dat die gehalte van onderrig nie in die gedrang gebring sal word nie. Hy het…
17 Jan 2AM 1 min
All episodes